Alǵashqy oıyndar aıshyǵy

Senbi, 7 shilde 2012 7:29

Beısenbi kúni fýtboldan Eýropa lıgasynyń irikteý týrnıri bastaldy. Osy týrnırge bıyl qatysyp jatqan úsh qazaqstandyq komandanyń bári alǵash­qy oıyndaryn syrt alańdarda ótkizdi.

Bul oıyndarda bıyl alǵash ret Eýropa lıgasynyń irikteý synyna qatysyp otyrǵan Shymkenttiń «Ordabasy» komandasy Serbııanyń «Iаgodına» klýbyn 1:0 esebimen utsa, Eýropa lıgasynyń alańdarynda talaı ret oınap, tájirıbe jınaǵan «Aqtóbe» Grýzııanyń «Torpedosymen» teń tústi. Esep – 1:1. Al byltyrǵy el chempıony – Taldyqorǵannyń «Jetisý» klýby bolsa, Polshanyń «Leh» komandasynan 2:0 esebimen jeńilip qaldy.

Senbi, 7 shilde 2012 7:29

Beısenbi kúni fýtboldan Eýropa lıgasynyń irikteý týrnıri bastaldy. Osy týrnırge bıyl qatysyp jatqan úsh qazaqstandyq komandanyń bári alǵash­qy oıyndaryn syrt alańdarda ótkizdi.

Bul oıyndarda bıyl alǵash ret Eýropa lıgasynyń irikteý synyna qatysyp otyrǵan Shymkenttiń «Ordabasy» komandasy Serbııanyń «Iаgodına» klýbyn 1:0 esebimen utsa, Eýropa lıgasynyń alańdarynda talaı ret oınap, tájirıbe jınaǵan «Aqtóbe» Grýzııanyń «Torpedosymen» teń tústi. Esep – 1:1. Al byltyrǵy el chempıony – Taldyqorǵannyń «Jetisý» klýby bolsa, Polshanyń «Leh» komandasynan 2:0 esebimen jeńilip qaldy.

«Ordabasynyń» oıynynda sene­galdyq shabýylshy Mansýr Gýıe kez­desýdiń 85-shi mınýtynda gol soǵyp, komandasyna jeńis ákeldi. Sóıtip, shymkenttik ujym endi óz alańyndaǵy qarymta kezdesýde eki dop aıyrma­shylyǵymen jeńilmese, kelesi aına­lym­ǵa shyǵady.

«Aqtóbeniń» jaǵdaıy da sondaı. Bul kezdesýde alǵashqy bolyp esepti alań ıeleri ashqan. «Aqtóbe» oıyn­nyń bitýine 8 mınýt qalǵanda esepti teńestirip ketti. Goldy Reseıdiń «Alanııa» komandasynan aýysyp kelgen ózbek legıoneri Marat Bıkmaev soqty. Endi «Aqtóbe» óz alańynda grýzııalyq komandadan jeńilip qalmasa nemese iri eseppen teń túspese boldy. Tipti 0:0 esebimen teń tússe de, syrtta salǵan doby arqyly kelesi kezeńge ótedi.

Al elimizdiń byltyrǵy chempıony «Jetisýǵa», aıtary joq, jerebe joldas bolmady. Polshanyń «Leh» komandasy – burynnan beri Eýropa alańdarynda oınaǵan tájirıbeli ujym. Bir ókinishtisi, osy oıynda «Jetisý» 60-shy mınýtqa deıin alań ıelerine laıyqty qarsylyq kórset­ken-tin. Tek matchtyń 61 jáne 65-shi mınýttarynda 2 dop jiberip aldy. Endi «Jetisýdyń» kelesi oıynda polıaktardyń da saǵyn syndyrýǵa tyrysýy kerek.

Kelesi oıyndar bir aptadan keıin ótedi.

Dastan KENJALIN,         

«Egemen Qazaqstan».