Seısenbi, 10 shilde 2012 7:26
Astanada tuńǵysh ret jyldam shahmat jáne blısten ótip jatqan álemdikbásekelerdiń alǵashqy chempıony anyqtaldy.
8 shilde kúni rapıd boıynsha ótken sońǵy týrda Igor Kýrnosovpen teńbe-teń oınaǵan Sergeı Karıakın jedel shahmattan álem chempıony atandy. Ekinshi oryndy Magnýs Karlsen, al úshinshi oryndy Veselın Topalov ıelendi.
Seısenbi, 10 shilde 2012 7:26
Astanada tuńǵysh ret jyldam shahmat jáne blısten ótip jatqan álemdikbásekelerdiń alǵashqy chempıony anyqtaldy.
8 shilde kúni rapıd boıynsha ótken sońǵy týrda Igor Kýrnosovpen teńbe-teń oınaǵan Sergeı Karıakın jedel shahmattan álem chempıony atandy. Ekinshi oryndy Magnýs Karlsen, al úshinshi oryndy Veselın Topalov ıelendi.
Jarystan soń Sergeı Karıakın men júldegerler chempıonat kezinde qarsylastarynyń óte myqty bolǵanyn atap ótti. Karıakın álem chempıonattarynyń uıymdastyrylýyna joǵary baǵa bere kelip, qalada serýendeýge ýaqyt bolmasa da, Astananyń unaǵanyn, qazaq halqyna qonaqjaılylyǵy úshin alǵys bildirdi. «Men úshin zaldaǵy básekelestik rýh jaqyn. Sońǵy márede jeńiske jetkenimmen, qarsylastar óte myqty boldy», – dedi jyldam shahmat boıynsha tuńǵysh álem chempıony.
Magnýs Karlsen «rapıd patshasy» bolýǵa kedergi jasaǵan qatelerden sabaq alatynyn, Veselın Topalov jalpy nátıjege razy ekenin, al keıbir partııalarǵa kóńili tolmaǵanyn jetkizdi.
Endi rapıdten jeńimpaz atanǵan men júldegerler blıs boıynsha álem chempıony ataǵy úshin baq synasady.
Osy kúnderi Astana tórinde jer júziniń myqty grossmeısterleriniń qatysýymen ótip jatqan álem chempıonattary búkil álemniń nazaryn ózine aýdartýda. Qazir jarystardy Almaty, Pavlodar, Qaraǵandydan kelgen shahmat áýesqoılary sııaqty elimizde issaparmen júrgen reseılikter de tamashalaýda.
Dastan KENJALIN,
«Egemen Qazaqstan».