Baǵytymyz – densaýlyq, armanymyz – Olımpıada!

Baǵytymyz – densaýlyq, armanymyz – Olımpıada!

Senbi, 14 shilde 2012 6:43

Olımpıadaǵa 13 kún qaldy

Álem qulaq túrgen London Olımpıadasyn qostanaılyqtar da taǵatsyzdana kútip otyr. Sporttyń shyńy sanalatyn Olımpıadaǵa qostanaılyqtar eki dúldúlin qosady. Osyǵan deıin talaı jarystarda top jarǵan Ivan Dychko men jelaıaq qyzymyz Marına Maslenko elimizdiń namysyn qorǵaıtyn bolady.

 

Senbi, 14 shilde 2012 6:43

Olımpıadaǵa 13 kún qaldy

Álem qulaq túrgen London Olımpıadasyn qostanaılyqtar da taǵatsyzdana kútip otyr. Sporttyń shyńy sanalatyn Olımpıadaǵa qostanaılyqtar eki dúldúlin qosady. Osyǵan deıin talaı jarystarda top jarǵan Ivan Dychko men jelaıaq qyzymyz Marına Maslenko elimizdiń namysyn qorǵaıtyn bolady.

Olımpıada – sportty jany súıgen ár jastyń armany. Al Qos­tanaı sportynyń jalpy baǵyty – salamatty ómir salty, densaýlyq. Sonaý 90-shy jyldardan beri sportty janyna serik etetinderdiń qarasy molaıa tústi. Sózimiz qurǵaq bolmasyn, 2001 jyly oblysta 178 myńnan asa adam sportqa mańyz berse, al 1997 jyly olardyń qatary ne­bári 57 myń ǵana bolatyn. Bú­ginde oblys boıynsha 230 myń adam sport jáne deneshynyq­tyrý­men úzdiksiz aınalysady.

Elimiz táýelsizdik alǵan jyldardan bastap, 20 jyldyń ishinde jańadan 360 sport nysany boı kótergen eken. Qazir jurtshylyq jattyǵýǵa, shynyǵýǵa baratyn sport ǵımarattarynyń sany sonaý 90-shy jyldardyń bas kezi­men salystyrǵanda 1,5 esedeı ósken. Oblys ortalyǵyn bylaı qoı­ǵanda, qazir aýdandardaǵy, eldi mekenderdegi stadıon­dar­dyń, sport zaldarynyń jab­dyq­ta­lýy kimdi de bolsa tańqaldyra­tyn­daı. Qarasý, Qostanaı aýdan­daryndaǵy alańy jasandy shóp­pen jabylǵan stadıondardan 1500-2500 kórermen fýtbol tamashalaı alady. Qostanaı aýdanyn­daǵy stadıon astynan jyly­ty­latyndyqtan, onda qys aılarynda da jattyǵý ótkizýge, tipti fýtbol oınaýǵa múmkindik bar. Qos­tanaı qalasynda birneshe basseın iske qosylǵan. Qalalardaǵy, aýyl­dardaǵy sport keshenderi jurt­shy­lyqtyń qýanyshyna aı­nalǵan.

Búginde oblysta sport zaldary men basqa da ǵımarattarǵa jón­deý jumystary júrgizildi. Jańadan 30 sportzal salyndy. Qazir aýyl adamdary qys aılarynda sport keshenderiniń arqa­synda bos ýaqytyn tıimdi paıdalanady. Jumystan keıin sandalyp, ashy sýǵa qunyqqandardy qazir aýyldan da, qaladan da sırek baıqaımyz. Sportpen aına­lys­qan jannyń kezbe bolyp jú­rý­ge ýaqyty qalmaıdy, onyń qa­sıettiligi de osynda bolsa kerek.

Oblysta balalar men jasós­pi­rimder sportyna barynsha kó­ńil bólinip otyr. Arnaıy sport mektepteriniń sany táýelsizdik­tiń eleń-alańynan beri qaraı eki esege ósti. Ol qazir 16  myńnan as­tam jas sportshyny qamtıdy. Onda jattyǵý, sport sabaq­tary­nyń barlyǵy balalarǵa tegin qa­rastyrylǵan. Tek sońǵy úsh jyl­dyń ózinde 300 mıllıon teńgege sporttyq qural-jab­dyqtar alyndy.

Táýelsiz Qazaqstan tarıhyn­da­ǵy sport jetistikterinde qos­ta­naılyqtardyń da úlesi bar. Sur mergen Sergeı Belıaev 1996 jylǵy Jazǵy Olımpıadanyń eki dúrkin kúmis júldegeri boldy. Grek-rım kúresinen men de Azııa­nyń jeti ret chempıony atandym, jastar arasyndaǵy álem kýbogy­nyń eki márte chempıonymyn. Ataq­ty konkıshimiz Denıs Kýzın 2007 jylǵy Qysqy Olımpıadada rekordty jańartqan edi. Al ótken jylǵy Aq Olımpıadada kon­kıshi Aleksandr Jıgın, short-trekshi Anna Samarına, Darııa Volokıtına, Fedor Andreev tamasha óner kórsetip, júldeger atandy. Azııa chempıonatynyń júl­degeri balýan Beıbit Nuǵymanovtan úmitimiz mol. 20 jyl ishinde 560 sport sheberi daıyndaldy. Sonyń ishinde 107 sportshy halyq­ara­lyq deńgeıdi baǵyndyrdy. Jyl basynan beri joǵary katego­rııa­daǵy on jattyqtyrýshy daıyndaldy. Olımpıadaǵa el úmiti men namysyn arqalap bara jatqan eki ulanymyz da osy jattyqtyrý­shy­lar eńbeginiń arqasynda bıik asýlardy alǵan bolatyn.

Oblys jurtshylyǵy úshin 2000 jyly ÝEFA úlgi-qalpy boı­ynsha 8000 kórermenge arnal­ǵan stadıonnyń ashylýy qýanysh bolǵan edi. Odan keıin Elbasymyz Nursultan Nazarbaev Qosta­naı qalasyndaǵy jabyq muz aıdyny bar sport saraıynyń lentasyn ózi qıdy. Lısakov qala­syndaǵy sporttyń kúres túrle­rine arnalǵan sportzal, Arqalyq qalasynda kúres jáne aýyr at­letıkaǵa arnalǵan zaldary jab­dyqtalǵan iri sport kesheni paı­dalanýǵa berildi. Materıaldyq baza qalada da, aýylda da osyndaı qadammen alǵa basyp keledi.

2010 jyly «Tobyl» komandasy Qazaqstandaǵy premer-lıga komandalary arasynda chempıon boldy. Oblysta ulttyq sport túrleri de jandanyp keledi. Qazir onyń on úsh túrinen jarys­tar ótkiziledi. Ásirese, toǵyz­qumalaq, qazaq kúresi, at sportyna jastardyń tartylýy erekshe. Aýyldy jerlerde ulttyq sport seksııalary jandanyp keledi.

Qostanaılyq sport komandalary barlyq respýblıkalyq ja­rys­tarǵa qatysyp otyrady, olar­dan quralaqan da qaıtyp júrgen joq. Komandalarymyz sporttyń kóptegen túrlerinen úzdik bestik arasynan kórinip júr. Jergilikti jerdegi irili-usaqty sport ja­rystarynyń barlyǵy da jastardy aldymen patrıottyq sezimge tárbıeleıdi. Kúshtiler, myqtylar, eptiler ǵana Otanyn súıe alady. Olımpıada armany da aýyldaǵy jarystardan bastaý alady.

Sergeı MATVIENKO,

Qostanaı oblystyq týrızm, deneshynyqtyrý jáne sport basqarmasynyń bastyǵy.