Jetisýdyń qos qarlyǵashy Aıman, Sholpan Qojahmetovalar Londonda baq synaıdy

Jetisýdyń qos qarlyǵashy Aıman, Sholpan Qojahmetovalar Londonda baq synaıdy

Senbi, 14 shilde 2012 6:44

«Sport – densaýlyq kepili» degen sózdi   sanalaryna sińirip,   salamatty ómir saltyn berik ustanǵan Aıman, Sholpan Qojahmetovalar   10 jasqa tolǵanda júzýmen aınalysyp, jasóspirimder arasynda  ótken Qazaqstan chempıonatynda 1-oryndy jeńip alǵan edi.  Eliktiń laǵyndaı súıkimdi egiz qyzǵa jerlesteri dán razy bolyp,  «Uıada ne kórseń, ushqanda sony ilesiń» degen  osy shyǵar dep  úlken úmit artatyn. El úmiti aqtaldy. Jetisýdyń qos qarlyǵashy top jaryp shyqty. Búginde esimderi álemdik sportta qurmetpen atalady.

 

Senbi, 14 shilde 2012 6:44

«Sport – densaýlyq kepili» degen sózdi   sanalaryna sińirip,   salamatty ómir saltyn berik ustanǵan Aıman, Sholpan Qojahmetovalar   10 jasqa tolǵanda júzýmen aınalysyp, jasóspirimder arasynda  ótken Qazaqstan chempıonatynda 1-oryndy jeńip alǵan edi.  Eliktiń laǵyndaı súıkimdi egiz qyzǵa jerlesteri dán razy bolyp,  «Uıada ne kórseń, ushqanda sony ilesiń» degen  osy shyǵar dep  úlken úmit artatyn. El úmiti aqtaldy. Jetisýdyń qos qarlyǵashy top jaryp shyqty. Búginde esimderi álemdik sportta qurmetpen atalady.

Aıman men Sholpan Qojah­me­tovalar 1991 jyly 23 sáýirde Taldyqorǵanda dúnıege keldi. Aıman jeńil atletıkadan Qazaq­stan Respýblıkasynyń halyq­ara­lyq dárejedegi sport sheberi. 2010 jyly  Vetnamda, 2011 jyly Japonııada ótken Azııa chem­pıonattarynda  qola me­dal­­dar­dyń ıegeri atandy. Sochı qala­syn­da ótken Reseıdiń lısen­zııa­lyq ashyq chempıonatynda HHH  Jazǵy Olımpııa oıyndaryna jol­dama jeńip aldy. Al Sholpan jeńil atletıkadan Qazaqstan Respýblıkasynyń sport sheberi. El  chempıonatynyń jeńimpazy. Máskeý qalasynda ótken Re­seıdiń lısenzııalyq ashyq chempıonatynda HHH  Jazǵy Olımpııa oıyndaryna joldama jeńip aldy. Aıman, Sholpan Qojah­me­to­valar – Qazaqstan Respýblıka­sy­nyń 5 jáne 10 shaqyrymǵa sporttyq júristen rekordyn ja­ńartqan júırikter.

«Egiz qyzdarymnyń Olım­pıa­daǵa barǵanynyń ózi úlken qýanysh.  Álemdik dodanyń nátı­jesin ázirge bir Alla ǵana biledi. Joldary bolsyn balalarym­nyń. Áke-sheshesi sportshy bol­ǵan soń ózimiz shyǵa almaǵan shyńdarǵa balalarymyz shyqsa eken degen úmitpen olardyń sportpen aınalysýyna  qoly­myz­dan kel­ge­nin­she barlyq múm­kin­dikti jasadyq. Qos qarly­ǵa­shym búginde Pragada  jatty­ǵý­la­ryn jalǵastyrýda. Saǵyn­dyq», deıdi egiz  qyzdardyń  ákesi, sambodan Qazaqstan Res­pýb­lıkasynyń sport sheberi Bolat Qojahmetov.

Qoryta aıtqanda, bıylǵy jyldyń 11 tamyzynda Uly­brı­ta­nııadaǵy Jazǵy Olımpıadada 20 shaqyrymǵa sporttyq júris­ten básekege túsetin Aıman, Shol­pan atty egiz qyzǵa jetisý­lyqtar zor senim artyp otyr.

Nurbol ÁLDIBAEV,

«Egemen Qazaqstan».

Almaty oblysy.