Jeńispen oralyńdar, ulandar!

Beısenbi, 19 shilde 2012 7:15

Kún saıyn dúbiri jaqyndap kele jatqan London Olımpıadasyn pavlodarlyq jankúıerler de asyǵa kútýde. Munyń sebebi de bar, óıtkeni, álemdik dodada 6 sportshymyz elimizdiń namysyn qorǵaıtyn bolady.

Beısenbi, 19 shilde 2012 7:15

Kún saıyn dúbiri jaqyndap kele jatqan London Olımpıadasyn pavlodarlyq jankúıerler de asyǵa kútýde. Munyń sebebi de bar, óıtkeni, álemdik dodada 6 sportshymyz elimizdiń namysyn qorǵaıtyn bolady.

Mysaly, Roman Valıev, Aleksandr Zaıkov, Tatıana Azarova, Alek­sandr Fısher jeńil atletıkadan ózge elder sportshylarymen synǵa túsedi. 90-shy jyldary ha­lyqaralyq dáre­jedegi sport sheberi Marat Jylanbaev oblystyń dańqyn shyǵardy, ol sporttyq jetistikteri úshin Gınesstiń rekordtar kitabyna 7 dúrkin endi. Kon­kıshi Lıýdmıla Prokashevany jurtshylyq jaqsy biledi.– Jeńil atletterden basqa nysana kózdeýshi Vıacheslav Podlesnyı, balýan Dáýlet Shabanbaı baqtaryn synaıdy. Sportshylarymyz bul jol­ǵy Olımpıadaǵa jaqsy daıyndaldy, – deıdi oblystyq sport jáne týrızm basqarmasynyń bólim bastyǵy Oleg Kolev. – Sondyqtan, aldaǵy kúnnen úmitimiz úlken. Budan buryn da bizdiń sportshylarymyz basqa da Olımpıadalarǵa qatysqan. Qalyptasqan jaqsy tájirıbemiz bar.Onyń aıtýynsha, basty erek­she­lik, Olımpıadaǵa qatysatyn sport­shylardyń bári de óz jerlesterimiz, Pavlodarda týyp-ósken naǵyz ózi­miz­diń qazaqstandyq qyz-jigitter eken. Sóıtip, el namysyn óz elimizde, óz jerimizde, qazaq arasynda ósken naǵyz patrıottar qorǵaıtyn bolady. Jalpy, elimiz táýelsizdik alǵan jyldardan beri jurtshylyq jatty­ǵýǵa, shynyǵýǵa baratyn sport ǵıma­rattarynyń sany artty. Oblys or­ta­lyǵyn bylaı qoıǵanda, qazir aýdan­dardaǵy, eldi mekenderdegi stadıondar, sport zaldary jabdyq­taldy. Jumabek Meıramǵalıevtiń bastamasy boıynsha sporttyń ult­tyq jáne halyqtyq túrleri boıynsha balalar-jasóspirimder sport mektebi quryldy. Qazirgi ýaqytta mektepte sporttyń tórt túri taratylady: qa­zaq kúresi, sambo, dzıýdo, at sporty, shuǵyldanýshylar – 735 adam. Oblys ortalyǵyndaǵy “Shahmat úıi” negi­zinde toǵyzqumalaq jáne ústel ten­nısi, shahmat bólimsheleri men bala­lar-jasóspirimder sport mektebi ashyldy. Búgingi kúni oblysta 26 balalar-jasóspirimder sport mektebi jumys isteıdi (olardyń 7-ýi olım­pıadalyq rezervtiń mamandandy­ryl­ǵan balalar-jasóspirimder mektebi).Qysqy sporttyń túrleri boıynsha balalar-jasóspirimder sport mektebi quryldy. Fýtbol boıynsha “Ertis” balalar-jasóspirimder sport mektebi ashyldy.– “Olımpıadalyq rezerv­tiń ma­man­dandyrylǵan bala­lar-jasóspi­rim­der mektebi márte­besin aldy. Oblys ortalyǵynda «Nep­týn», «Shymyr» dene shynyq­tyrý-saýyqtyrý keshenderi paıdala­nýǵa berildi. 2003 jyly «Astana» muz saraıy salyndy. Sonymen qatar, Ýspen aýda­ny­nyń Pavlov aýylynda oblystyq “Bulaq” baǵdar­la­masyna sáıkes sport zaly qaıtadan jabdyqtaldy, Pavlodar qalasy aýyl­dyq aıma­ǵy­nyń Kenjekól aýylynda jáne Ýspen aýdanynyń Tımırıazev aýylynda sport zaldaryna, Ekibastuz qalasy aýyldyq aımaǵy­nyń Solnechnyı ken­tinde dene shy­nyqtyrý-saýyq­tyrý ke­shenine jáne Maı aýdanynyń Qaraterek aýylynda hokkeı qorap­taryna kúrdeli jóndeý júrgizildi. Ortalyq stadıonda jasandy ja­bylǵyshy jáne jylyt­qy­shy bar fýtbol alańy salyndy. Oblys orta­ly­ǵynda demeýshiler qara­jaty ese­binen sıntetıkalyq jabyl­ǵyshy bar 2 tennıs korty, jasandy kógal jabyl­ǵyshymen 4 shaǵyn fýtbol alańy, kıim aýystyratyn ból­meleri bar 5 hokkeı qoraby (olardyń 1-eýi plastıkten jasalǵan) salyndy.18 sport túri boıynsha elimizdiń qurama komandalaryna Pavlodar ob­lysynyń 149 sportshysy endi. Bú­gingi kúni oblysta sporttyń 42 olım­pıa­dalyq túrinen 26-sy, 59 olım­pıa­da­lyq emes túrinen 38-i jáne 14 ulttyq halyqtyq sport túrleri taratylady. Oblysymyzdyń 500-den astam sportshysy ár túrli sport túrleri boıynsha respýblıka qurama komandalarynyń músheleri bolyp tabylady. Sporttyń basymdy túr­leriniń sany 10-ǵa deıin ulǵaıdy, olar­dyń óz úlken dástúrleri, mate­rıaldyq-tehnıkalyq bazasy jáne jattyqtyrýshylar áleýeti bar (shań­ǵy jarysy, bıatlon, frıstaıl-akrobatıka, boks, júzý, erkin kúres, dzıýdo, velosıped sporty, jeńil atletıka). Biz Olımpıadaǵa attanatyn jerles sport­shylarymyzǵa, jalpy barlyq qazaq­standyq sportshylarǵa sátti sapar tileımiz. Jeńispen oralyńdar degimiz keledi,– deıdi Oleg Vıktorovıch.Farıda Byqaı,«Egemen Qazaqstan».Pavlodar oblysy.