Beısenbi, 19 shilde 2012 7:17
Margarıta Maskomen /Muqasheva/ kezdesýdiń sáti túspedi. Chehııada jattyǵyp júr eken. Jattyqtyrýshysy Pavel Lıtvınenko bir shákirtin Ispanııada ótip jatqan halyqaralyq jarysqa alyp ketipti. Tyǵyryqqa tirelgen sátte esimizge úsh qarǵyp sekirýden halyqaralyq dárejedegi sport sheberi Elena Parfenova tústi. Tumandy Albıonǵa joldama alǵan erli-zaıypty Ektovtarǵa qatysty biraz málimetter berip, kómekteskeni bar edi. Bizdiń jolymyz joǵary sporttyq sheberlik mektebi dırektorynyń orynbasarymen osylaı túıisti.
Beısenbi, 19 shilde 2012 7:17
Margarıta Maskomen /Muqasheva/ kezdesýdiń sáti túspedi. Chehııada jattyǵyp júr eken. Jattyqtyrýshysy Pavel Lıtvınenko bir shákirtin Ispanııada ótip jatqan halyqaralyq jarysqa alyp ketipti. Tyǵyryqqa tirelgen sátte esimizge úsh qarǵyp sekirýden halyqaralyq dárejedegi sport sheberi Elena Parfenova tústi. Tumandy Albıonǵa joldama alǵan erli-zaıypty Ektovtarǵa qatysty biraz málimetter berip, kómekteskeni bar edi. Bizdiń jolymyz joǵary sporttyq sheberlik mektebi dırektorynyń orynbasarymen osylaı túıisti.
– Elena Anatolevna, sizdiń Qazaqstannyń jeńil atletıka salasyna qosqan eńbegińiz ólsheýsiz ekenin sport jankúıerleri jaqsy biledi. Úsh qarǵyp sekirýden elimizdiń 16 dúrkin, Azııa chemıonatynyń birneshe márte jeńimpazy bolǵanyńyzdy aıtpaǵanda, Jazǵy úsh Olımpııa oıyndaryna qatysýyńyzdyń ózi nege turady? Endi, mine, bir top qyzyljarlyq jelaıaq sińlilerińiz sizder salyp ketken dástúrdi sátti jalǵastyryp keledi. Solardyń ishinde jarqyraı kózge túskeni Margarıta ekeni daýsyz. Onyń sporttaǵy aıaq alysyn qalaı baǵalar edińiz?
– Onyń jattyǵý zalyna alǵash kelgeni áli kúngideı kóz aldymda. 14 jastaǵy taldyrmash qyz jan-jaǵyna jasqana qarap, eliktiń laǵyndaı úrkektep turdy. Júris-turysyna, bııazy minezine qarap, aýylda óskenin ishteı sezdim. Keıin Shal aqyn aýdanynan kelip, oblystyq daryndy balalarǵa mamandandyrylǵan sport mektep-ınternatynda oqyp júrgenin bildim. Bir shańyraq astynda jattyqqandyqtan, jaqsy bilisip, aralasyp kettik.
Á degennen jankeshti eńbekqorlyǵymen kózge tústi. Jattyqtyrýshynyń talaptary men tapsyrmalaryn qalt jibermeı, múltiksiz oryndap júrdi. Aınalasy 7 jyldyń ishinde halyqaralyq dárejegi sport sheberi normasyn oryndaýyn ǵalamat jeńiske balar edim. Elishilik básekelerde top jaryp, 2007 jyldan bastap halyqaralyq dodalarǵa qatysa bastady. Azııa Gran-Prıinde olja saldy. Azııa chempıonatynda estafetaǵa júgirip, qola medal aldy. 2009 jyly Qytaıda ótken Gran-Prı serııasynda jeńimpaz atandy. Osy jyly Vetnamda uıymdastyrylǵan Azııa oıyndarynda 2 altyn medaldi qanjyǵaǵa baılady. 2010 jyly 16-shy Azııa oıyndarynda jeńistiń eń bıik tuǵyrynan kórindi. Oblys ákimi eki bólmeli páterdiń kiltin tabys etti. Rıta – mundaı qurmetke ábden laıyq.
– Onyń Qazaqstandaǵy basty qarsylasy kim?
– Pavlodarlyq Vıktorııa Iаlovseva bolatyn. Qazir ol turmysqa shyǵyp, sábıli boldy. Olar bir-birimen ıtjyǵys túsip jatatyn. О́tken jyly respýblıkalyq úshinshi jazǵy Spartakıadada Rıtanyń aldyn orap ketti.
– Sonda Margarıtanyń baǵy kelispedi me? Álde basqadaı sebepteri boldy ma?
– Sport joly óte aýyr. Ony ekiniń biri ómirlik muratyna aınaldyra bermeıtini de sondyqtan. Tynymsyz eńbekti, úlken qajyr-qaıratty, únemi bapty tileıdi. Baby kelisse de, baǵy janbaıtyn sátter de ushyrasyp jatady. Desek te, sál-pál bosańsysań, jeńistiń aýyly kózden bul-bul ushty deı ber. Sońǵy eki jyl Margarıta úshin aýyrlaý soqty. Turmysqa shyǵyp, ana atandy. Sóıtip, júıeli jattyǵýdan biraz qol úzińkirep qaldy. Onyń ústine alǵan jaraqaty qolbaılaý jasady. Alaıda, az ýaqyttyń ishinde sporttyq qalpyna kelip, namysqa qamshy basty. Japonııada ótken Azııa birinshiliginde 2 mınýt 2.41 sekýnd ýaqyt kórsetip, ekinshi orynnan kórine bildi. Basqa aıtýly básekelerde de el namysyn joǵary ustady. Qazir ol Muqasheva degen atatekpen el namysyn qorǵap júr. Jubaıynyń esimi – Rýslan.
– Olımpıada joldamasyna qaı jarysta ıe boldy?
– Byltyr ataqty jelaıaq Ǵusman Qosanovty eske alýǵa arnalǵan halyqaralyq týrnırde márege birinshi kelip, «B» lısenzııasyn ıelendi. Top jarsa da, jeńisine qanaǵattanbady. О́ıtkeni, basty qarsylasy V. Iаlovseva da «B» lısenzııasyna qol jetkizdi. Sosyn О́zbekstanda ótken halyqaralyq jarysta 800 metrdi 1 mınýt 59.90 sekýndta júgirip ótip, «A» lısenzııasy buıyrdy. Qazir alańsyz jattyǵýǵa kirisip ketken.
– Ol 800 metrge júgirýmen qatar, estafetaǵa da qatyspaı ma?
– Iá, 4h400 metr qashyqtyqta da synǵa túsetin bolady.
– Jelmen jarysqan jelaıaq jerlesimiz Olımpıada sekildi baıraqty básekege alǵash qosylǵaly otyr. Siz tájirıbeli sportshy retinde qandaı aqyl-keńes berer edińiz?
– Aýa raıyna tez beıimdelý men psıhologııalyq daıyndyq kóp máseleni shesheri sózsiz. Bul turǵydan alǵanda, sońǵy ázirlikterdiń Eýropa jerinde ótýi durys. Qansha aıtqanmen, materıaldyq-tehnıkalyq baza óte joǵary. Onyń ústine ol jerdiń klımaty tumandy Albıonǵa uqsas.
– Margarıtanyń qandaı qasıetterin bóle-jara aıtar edińiz?
– Qyzyljar óńirinen Olımpıadaǵa joldama alǵan sańlaq tórteý bolsa, solardyń biri – Rıta sińlim. Ol búginde elimizdiń eń tańdaýly jeńil atletshileriniń biri sanalady. Júzden júırik, myńnan tulpar ataný ońaı emes. Oǵan eńbekqorlyq, namysqoılyq, alǵan maqsatyna jetpeı tynbaý qasıetteri tán. Buǵan kishipeıil minezin, aqjarqyn baýyrmaldyǵyn, adaldyǵyn qosyńyz.
Mine, kópten kútken Olımpıada alaýynyń tutanýyna da sanaýly kúnder qaldy. Memleket basshysy HHH Jazǵy Olımpııa oıyndaryna qatysatyn Qazaqstan ulttyq quramasynyń múshelerin qabyldap, «senimmen attanyp, jeńispen oralyńdar» degen aqjoltaı batasyn bergen joq pa?! Men de osyndaı tilektemin. Olardyń qaı-qaısysy bolsyn Ánuranymyzdy shyrqatyp jatsa, jetistigimizdiń shyńyna, eldigimizdiń bıigine baǵalar edik. Qazaqstandy aıdaı álemge jarqyrata tanytyp, qomaqty júldeler alaryna senimdimin.
– Áńgimeńizge rahmet. Jerlesterimizdiń joly ońǵarylyp, júldemen oralýyn tileıik.
Áńgimelesken О́mir ESQALI,«Egemen Qazaqstan».Soltústik Qazaqstan oblysy.