SONY SERPILISTER KEZEŃI

Men búgingi jastarǵa shyn máninde qyzyǵa qaraımyn. О́ıtkeni, olar tamasha ýaqytta ómir súrip jatyr. Olardyń ata-analarynyń túsine de kir­megen nárseler qazirgi tańda aqıqatqa aınalǵan. Meniń búkil eńbek jolym Batys Qazaqstan oblysynyń Terekti aýdanyndaǵy astyqty “Trýdovık” keńsharymen ti­ke­leı baılanysty. Onyń eńbek jeńisindegi dańqty tarıhy me­niń kóz aldymda ótti. Keńshar 23 myń gektardan astam jerge egin egip, aýa raıy qolaıly jyl­dary molynan ónim jı­naıtyn. Sóıtip, búkil res­pýblıka boıynsha aldyńǵy saptaǵylar qatarynan kóri­netin. Otanymyz úshin qıyn­dyqqa toly 90-jyldarǵy ke­leńsiz úderister sharýashylyq taǵdyryna da keri áserin tıgizdi. Nátıjesiz júrgizilgen tájirıbeler saldarynan keń­shar kúırep tyndy. Ýaqyt óte qaıta eńse kótere bastaǵan aýyl ekonomıkasyn bas­qarýǵa eńbeksúıgishtigimen jáne ká­sibı daıyndyǵymen tanyl­ǵan­dar, qıyndyqtarǵa qasqaıyp qarsy tura bil­gender keldi. Men zeınet demalysyna shyqqaly biraz ýaqyt boldy. Jaqynda qalaǵa qonys aýdar­dym. Biraq kóktemde jáne jaz­da mindetti túrde týǵan Prırechnoe aýylyna – “Trý­dovık” kensharynyń burynǵy ortalyq ýsadbasyna kelip turamyn. Ár kelgen saıyn jerlesterimniń jańa bir ta­bystaryn kórip, kóńilim ósedi. “Jol kartasy” degen baǵ­darlamanyń tabystylyǵyn aıtsańyzshy! Osy bastamasy úshin bizdiń Prezıdentimizge jumys tapqan, turǵyn úıge qol jetkizgen adamdardyń alǵysy sheksiz! Jóndelgen joldar, aýrýhanalar men mek­tepter jáne jańa balabaq­shalar úshin de rızashylyq­tary mol. Bizdiń balala­ry­myz joǵary oqý oryndaryn, kol­ledj­derdi bitirgennen keıin jumys tappaı qınalyp kel­genderi de jasyryn emes. Al qazir “Jastar prak­tı­kasy” baǵdarlamasy boıynsha olarǵa jumys beriledi. Sóı­tip, olar is júzinde tájirıbe jınaqtaýǵa múmkindik alyp otyr. Men terektilik jerlesterim úshin sheksiz qýanyshtymyn: olardyń úılerine “kógildir otyn” – gaz keldi. Bul – aýyl adamdarynyń ómir súrý deń­geıi jańa sapaǵa kóteriledi degen sóz. Sizdiń bastama­lary­ńyzdyń barlyǵy qazaqstan­dyqtardyń ómir sapasyn jaq­sartýǵa baǵyttalǵan, qurmetti Prezıdent. Sizdiń oblysty gaz­dandyrý jónindegi tapsyr­mańyz qalaı oryndalyp jat­qany týraly aıryqsha aıtqym keledi. Buǵan deıin oblys aýmaǵynda aty álemge belgili Qarashyǵanaq gaz kondensaty ken orny bola tura, kóp­shiliginiń gaz qyzyǵyn kóre almaı otyrǵandary jergilikti turǵyndardyń túsinbeýshiligin týǵyzatyn. Osyndaı jaýapty da taǵdyrsheshti mindetterdi júzege asyrý keı jaǵdaıda kadrlarǵa, olardyń biliktiligi men kásibıligine baılanysty ekeni baıqalady. Baqtyqoja Izmuhambetov burynǵy mınıstr retinde, bizdińshe, qýat kózderiniń quny men mańyzyn jaqsy biletin sııaqty. Qysqa merzim ishinde oblysta gazdandyrý baǵdar­lamasy buryn-sońdy bolmaǵan aýqymǵa jetýi de sondyqtan bolsa kerek. Qazirgi kezde “kó­gildir otyn” oblys ortalyǵy tur­ǵyndarynyń úılerine ǵana emes, Oraldan 600 shaqyrym qashyqtyqta jatqan Bókeı ordasy aýyldaryna deıin je­tip tur. Gazdandyrý baǵdar­la­masyna sáıkes 2010 jyly aýqymdy jumystar atqarylýy tıis. Qarashyǵanaq – Oral gaz qubyrynyń ekinshi kezeńiniń qurylysy júrip jatyr. Osy joba aıaqtalǵan kezde 92 myń turǵyny bar 146 eldi meken “kógildir otynǵa” qol jetkizetin bolady. Bul – ob­lystaǵy on eki aýyldyq aýdan­dar turǵyndarynyń toǵyzynan astamy gazben qamtylady degen sóz. Nursultan Ábishuly, Sizdiń kásipkerler týraly aıtqan­daryńyz júregimizge óte jyly tıedi. Shyn máninde isker de ilkimdi adamdar memlekettiń eko­nomıkalyq qýatyn artty­ryp, jańa áleýmettik baǵdar­lamalardyń júzege asýlaryna múmkindikter týǵyzady. Muny meniń týǵan Terekti aýylymdaǵy mysaldardan da aıqyn kórýge bolady. Jer­gilikti kásipkerlerdiń bastama­larynyń arqasynda júzdegen jumys orny qurylyp, aýyl­dar ınfraqurylymy qaıta jańǵyrýda. Sóıtip, aýyl adam­darynyń erteńgi kúnge degen senimderi arta túsken. Kóp­shiligi tanys isker adamdardan úlgi alyp, jeke dúkenderin ashyp alǵan. О́ziniń sharýa qojalyǵyn uıymdastyr­ǵan­dary da bar. Buryndary ózimizdiń ot­basymyzda da bıznespen aı­na­lysatyn adam paıda bolady dep oılaǵan joq edim. Meniń úl­ken ulym Murat týǵan aýy­lynda óziniń aýyl sharýashy­lyǵy kásipornyn quryp aldy. Jaǵdaıy jaman emes. Oǵan dıplomy bar tá­jirıbeli agro­nomdyq qyzmeti men bala kezi­nen meniń so­ńymnan qalmaı jumysqa ara­lasqany, joǵary oqý ornynda oqyp júrgende jıyn-terin kezinde kombaında jumys istegeni kóp kómegin tı­gizgeni taǵy anyq. Onyń sha­rýa­­shylyǵy qalyptasý kezeńi­niń barlyq qıyndyqtaryn eń­serip, qazirde aıaǵynan nyq tur. Aýyl kásipkerlerine mem­leket tarapynan úlken jár­dem-kómek kórsetilip keledi. Sonyń arqasynda ulymnyń sharýashylyǵy jańa tehnıka men jaqsy tuqymǵa qol jet­kizip otyr, óndiristik bazasy bar. Al eń bastysy – ulym bolashaǵyna senimmen qaraı­dy. Kásipornyn damytý­dy josparlap otyrǵany da memleket qamqorlyǵynyń nátıjesi ǵoı dep bilemin. Bizderge, aǵa urpaq ókil­derine balalarymyz úshin, Qa­zaqstan halqyn jańa ekono­mıkalyq órleýge senimdi bastap kele jatqan Prezı­dentimizdiń batyldyǵy men sheshimdiligi úshin qalaı qýan­saq ta jarasatyndaı. Tólepqalı MUQAShEV, eńbek ardageri. Oral.