Memleket basshysy Nursultan Nazarbaev “Qazaqstan temir joly” UK” AQ prezıdenti Asqar Mamındi qabyldady, dep habarlady Qazaqstan Respýblıkasy Prezıdentiniń baspasóz qyzmeti
A.Mamın Prezıdentti kompanııanyń qyzmetin jetildirýdiń negizgi baǵyttarynan habardar etti. “Qazaqstan temir joly” AQ temir joldaǵy mashına jasaý salasyn damytý, jolaýshylar tasymalyn ulǵaıtý, eńbek ónimdiligin arttyrýmen aınalysýda.
– Kompanııa tarapynan salaǵa 4,5 trıllıon teńge kóleminde ınvestısııany qarastyratyn 2020 jylǵa deıingi kezeńge arnalǵan temir jol kóligin damytý baǵdarlamasy ázirlendi. Kezdesýdiń qorytyndysy boıynsha Memleket basshysy temir jol salasyndaǵy negizgi serpindi jobalardy damytý jóninde naqty tapsyrma berdi, – dedi A.Mamın.