ZARDAP ShEKKENDERGE KО́MEK KО́RSETILÝDE

Keshe Premer-Mınıstr Kárim Másimov Almaty oblysy, Aqsý aýdanyndaǵy sý qoımasy bógeti buzylýynyń saldarlaryn joıý úshin Úkimet rezervinen qarjy bólý týraly qaýlyǵa qol qoıdy, dep habarlady Premer-Mınıstrdiń baspasóz qyzmeti. Qaýlyǵa sáıkes 599 838 000 teńge somasyndaǵy qarjy aǵym­daǵy eki maqsatty transfert re­tin­de baǵyttalatyn bolady. 499 838 000 teńgeni quraıtyn alǵash­qysy sý qoımasy bógetiniń buzylýy saldarynan zardap shekken Qyzylaǵash jáne Eginsý aýyldarynyń turǵyndaryna ma­te­rıaldyq kómek kórsetýge jáne sýmen jabdyqtaý júıelerin qal­pyna keltirý, turǵyn úılerdi jón­deý jumystaryn júrgizýge ba­ǵyttalsa, 100 mıllıon teńge mól­she­rindegi ekinshisi jańa turǵyn úıler salýǵa jumsalady. Osy kúni Premer-Mınıstr K.Másimov Almaty oblysy, Aqsý aýdanyndaǵy tótenshe oqıǵanyń zardaptaryn joıý úshin memle­ket­tik materıaldyq rezervtegi mate­rıaldyq qundylyqtarǵa jasalǵan brondy alý týraly ekinshi qaýlyǵa qol qoıdy. Memlekettik materıaldyq re­zerv­ten bólingen qarjylar Alma­ty oblysy, Aqsý aýdany Qyzyl­aǵash jáne Eginsý aýyldaryndaǵy tótenshe oqıǵanyń zardaptaryn joıý úshin paıdalanylatyn bo­lady. Premer-Mınıstr Tótenshe jaǵdaılar mınıstrligine Qarjy mınıstrligimen birlesip, barlyq qajetti sharalardy qabyldaý jó­ninde tapsyrma berdi. Kólik jáne kom­mýnıkasııalar mınıstrligine mem­lekettik materıaldyq rezerv­tiń ma­terıaldyq qundylyqtaryn ta­sy­maldaý men jetkizip berý úshin jyl­jymaly quramdy berýdi ýaqy­tynda qamtamasyz etý tapsyryldy. Bólingen qarjylardyń maq­sat­ty paıdalanylýyna baqylaý jasaý Qarjy mınıstrligine mindetteldi. Oblysta Aqsý aýdanyndaǵy sý tasqynynyń zardaptaryn joıý jónindegi úkimettik komıssııa óz jumysyn odan ári jalǵastyrýda. 15 naýryz oblysta qaza tap­qan­dardy eske túsirý úshin “Qa­raly kún” bolyp jarııalandy. Keshe oqıǵa ornyna Premer-Mınıstrdiń orynbasary – In­dýstrııa jáne jańa tehnologııalar mınıstri Áset Isekeshev keldi. Tótenshe jaǵdaılar mınıstri Vla­dımır Bojko basqaratyn ope­ratıvti shtab Qyzylaǵash aýy­lynyń árbir turǵynyna kelti­ril­gen shyǵyndy belgileýde. Oblys ákimdigi qaza tapqandardy jer­leý­ge kómek kórsetip, qaza bolǵan árbir adamǵa jergilikti bıýdjetten 500 myń teńgeden tólenetin boldy. Uıymdastyrý máselelerin sheshý úshin zardap shekken otba­sy­laryna jaýapty adamdar be­kitildi, materıaldyq kómek aýdarý úshin úılerdiń naqtyly adamdarǵa jatatyndyǵyn qujat arqyly rastaý jumystary aıaqtalyp keledi. Qyzylaǵash aýylynda ómir birtindep qalpyna kele bastady, birinshi bolyp 33 otbasy óz me­ken-jaılaryna oraldy. Aýyl tur­ǵyndaryn kómir, gaz, aýyz sý, sondaı-aq maldyń jem-shóbi tá­rizdi barlyq qajetti dúnıelermen qamtamasyz etý jóninen sharalar qabyldandy. Mektep qalpyna keltirilýde, 14 naýryzda selolyq mektep pen 120 turǵyn úı elektr qýatyna qosyldy. Telefon baılanysyn qamtamasyz etý úshin radıoantenna ornatyldy. Aýyl turǵyndaryn eńbekaqy tóleı otyryp apatty qalpyna keltirý jumystaryna tartý jaǵy da qarastyrylýda. Shalǵaı ýchas­keler azyq-túlikpen, otynmen jáne dári-dármekpen qamtamasyz etildi, mal azyǵyn jetkizip berýde kómek kór­setildi. Azyq-túlik tik­ushaq­pen jet­kizilýde. Osy maq­sat­tar úshin 45 ton­nadan astam shóp jetkizildi. 87 bas ıesiz qalǵan úı maly qutqa­ry­lyp, qaýipsiz jer­lerge shyǵaryldy. Jańa turǵyn úıler salýdy uıymdastyrý jóninen sharalar qabyldandy. Olar buzylǵan úı­ler­diń alańy men otbasy múshe­leriniń sanyna baılanysty 2,3 jáne 4 bólmeli jańa úıler bola­dy dep kútilýde. Tótenshe jaǵ­daı­lar mınıstri V.Bojko zardap shek­kenderdiń olardyń tilekteri boıynsha “Nurly kósh” memle­ket­tik baǵdarlamasy sheńberinde oralmandar úshin Qazaqstannyń ózge de óńirlerinde salynǵan úı­lerge qonystandyrylatyndyǵyn habarlady. Qyzylaǵash aýylynda  maro­der­lik pen múlikterdi urlaý jaǵ­daı­larynyń aldyn alý úshin po­lısııa narıadtary táýlik boıyna kezekshilik uıymdastyrýda. Mamandandyrylǵan bólim­derdiń kúshimen tasqyn bolǵan aımaqqa jaqyn jatqan Almaty-О́skemen avtojolynyń ýchaskesi qaıta qalpyna keltirilýde. Taldyqorǵan qalasynda tó­tenshe jaǵdaılardyń zardaptaryn joıý jónindegi operatıvtik shtab­tyń “senim telefony” jelisi uıym­dastyryldy (27-00-99, 27-04-18). Tótenshe jaǵdaılardyń zar­dap­taryn joıý jumystary odan ári jalǵasýda. Ol Premer-Mınıstr Kárim Másimovtiń jeke baqylaýynda tur.