Negizi oblys óńirinde medısına qaldyqtaryn joıý máselesi ózekti kúıinde qalyp otyr. 2018 jyly emhanalar men aýrýhanalarda qordalanyp qalyp, joıylǵan 3 myń tonna qaldyqtyń 19,2 prosenti «B» (qaýipti) klasynan bolsa, asa qaýipti sanalatyn 3 prosenti «V» klasyna jatady.
Eń aldymen medısınalyq qaldyqtarǵa qatysty ózektilik aýyldyq jerlerde ornalasqan emdeý mekemelerine qatysty. Kelisim sharttar oblys ortalyǵyndaǵy mekemelermen jasalady, al aýyldardyń qalaǵa uzaqtyǵy 100 shaqyrymnan 400 shaqyrym aralyǵynda bolady. Sondyqtan medısınalyq qaldyqtar aýyldaǵy emdeý mekemelerinde uzaq saqtalady. Onyń qaýiptiligi seıilmeıdi. Mysaly, 2019 jyldyń I toqsanynda oblysta medısınalyq kómek kórsetkennen keıin juqqan 3 juqpaly aýrý tirkelgen.
Oblys óńirinde juqpaly epıdemııalyq aýrýlardyń aldyn alý sharalary ótkiziledi. Juqpaly aýrýlar ótken jyly ár 100 myń adamǵa shaqqanda 266,9 keldi. Al bıylǵy jyldyń birinshi toqsanynda qyzylsha aýrýynyń órshýine baılanysty bul kórsetkish 86 boldy.
Qostanaı