О́tken juma kúni «Aq jol» demokratııalyq partııasy Aqtóbe oblystyq fılıalynyń konferensııasy Aqtóbe qalasynda ótkizilip oǵan 150-ge jýyq delegat qatysty. Bul joly prezıdenttikten úmitker usynyla qoıǵan joq. Konferensııaǵa qatysýshylar «Aq jol» demokratııalyq partııasynyń 24 sáýir kúni ótkiziletin sezine jeti delegat saılady. Onyń bireýi Parlament Májilisiniń, ekinshisi Aqtóbe oblystyq máslıhatynyń depýtattary bolsa, beseýi óńirdegi aýdandyq máslıhattardyń «Aq jol» partııasy atynan saılanǵan depýtattary. Sezd delegattarynyń tek biryńǵaı depýtattyq fraksııa músheleri atynan saılanýy olardy saıası qyzmetke daǵdylandyra berý jáne tájirıbelerin arttyrý qajettiginen týyndapty.
– Oblysqa jumys sapary kezinde Qazaqstannyń «Aq jol» demokratııalyq partııasynyń tóraǵasy Azat Perýashev Aqtóbe oblysynyń ákimi Ońdasyn Orazalınmen kezdesti. Budan soń ol turǵyndardy qabyldady, dep málimdedi gazet tilshisine «Aq jol» partııasy Aqtóbe oblystyq bólimshesiniń tóraǵasy Asqar Sadyqov.
Onyń aıtýynsha, 24 sáýir kúni ótkiziletin «Aq jol» demokratııalyq partııasynyń sezinde delegattar óńirlerden usynylǵan úmitkerlerdiń arasynan eń laıyqty degen bireýin tańdap, prezıdenttikke kandıdat retinde usynbaqshy. Sondaı-aq fılıal tóraǵasynyń málimdeýinshe, «Aq jol» partııasynyń tóraǵasy Azat Perýashev ázirge prezıdenttikten úmitker retinde usynylmaǵan. Bul másele 24 sáýir kúni ótkiziletin sezde belgili bolmaq. AQTО́BE