«Tuńǵysh Prezıdent - Elbasy N.Á.Nazarbaev Úkimettiń 2019 jylǵy 30 qańtardaǵy keńeıtilgen otyrysynda: «eldiń Úshinshi jańǵyrýy úshin negizgi kapıtalǵa jylyna jalpy ishki ónimge 30%-dan asatyn deńgeıde ınvestısııalar tartý qajet» degen bolatyn. Ol: «naqty sektor men ınfraqurylymdyq jobalardy qarjymen qamtamasyz etý boıynsha júıeli sheshimder ázirlensin» dep, sondaı-aq damyǵan elderden ınvestorlarǵa basa nazar aýdara otyryp, ınvestısııalar tartýdyń keshendi ekojúıesin jasaýdy tapsyrdy. Bul tapsyrmalardy iske asyrý – Úkimet úshin erekshe mańyzdy mindet» dedi Mınıstr.
Mınıstrlik aqparatyna súıensek, 2017 jyly jahandyq tikeleı ınvestısııalar kólemi 23%-ǵa, 2018 jyly ol 19%-ǵa, 1,2 trln AQSh dollaryna deıin tómendegen (2016 jyly 1.86 trln AQSh dollary, 2017 jyly 1.47 trln AQSh dollary, 2019 jyly 1.2 trln AQSh dollary). Tıisinshe, ınvestısııalyq aǵyndar úshin álemde, ásirese damýshy ekonomıkalar arasynda básekelestik kúrt ósýde.
Ol úshin kórshiles elderdiń nátıjesine kóz salsaq.
Máselen, 2019 jylǵy 15 naýryzda Qytaı «Sheteldik ınvestısııalar týraly» jańa Zań qabyldaıdy. Sarapshylardyń baǵalaýy boıynsha bul 10 jyl ishinde olardyń ekonomıkasyna 1.5 trln AQSh dollaryn tartýǵa múmkindik beredi.
Reseıde birneshe jyl buryn tikeleı ınvestısııalar qory qurylǵan bolatyn. Qazirdiń ózinde 50-den asa jobaǵa 1.5 trln rýblden astam somaǵa ınvestısııalar júzege asyryldy. Bul rette tartylatyn sheteldik ınvestısııalarǵa memlekettik ınvestısııanyń tepe-teńdigi 7-ge 1-di quraıdy.
Reseıde negizgi kapıtalǵa ınvestısııalar deńgeıi jalpy ishki ónimniń 21%-yn quraıdy, al Qazaqstanda bul jalpy ishki ónimniń 19%-ynan az. О́zbekstan Respýblıkasynda aǵymdaǵy jyldyń qańtarynda 1 mlrd dollar kapıtalymen tikeleı ınvestısııalar qory quryldy.
Qazaqstanda jalpy ınvestısııalar aǵynynyń ósýine qaramastan taza ınvestısııalar kólemi 2016 jylǵy 8.5 mlrd dollarmen salystyrǵanda ótken jyly 3.8 mlrd dollardy qurap, eki eseden kóp quldyrady.
«Sondaı-aq, ókinishke oraı, bizdiń ekonomıkamyzdyń shıkizattyq emes sektorlaryna tikeleı sheteldik ınvestısııalar olardyń jalpy kóleminiń úshten bir bóligin ǵana quraıtynyn atap ótý kerek.Sondyqtan, bizge sapaly ınvestısııalar tartý úshin jańa tıimdi tetikter qurý asa mańyzdy» dedi Á.Smaıylov.
Atalǵan máselelerdi júzege asyrý úshin osy saladaǵy ınfraqurylymdy muqııat qaıta qaraý qajettiligi týyndaǵany týraly aıta otyra, «Joǵaryda baıandalǵandy eskere otyryp, Premer-Mınıstrdiń tapsyrmasy boıynsha osy másele jóninde usynystar ázirleý úshin arnaıy jumys toby quryldy» dedi.