Arnaıy avtobýstarda júrý quny qoǵamdyq kóliktegi jolaqynyń mólsherimen birdeı dep habarlaıdy qala ákimdiginiń resmı saıty «Sportinform» SIA-ǵa silteme jasap.
Jankúıerler 40-shy avtobýspen arenaǵa jete alady. Alaıda jankúıerlerdiń yńǵaılyǵy úshin olardy oıyn bastalǵanǵa deıin eki saǵat buryn arnaıy reıster arqyly jetkizý múmkindigi qarastyrylǵan: Qazaqstan sport kesheninde turaq, «Nur Astana» meshiti janyndaǵy turaq (shyǵys jaǵyndaǵy turaq), Bógenbaı batyr eskertkishi janyndaǵy turaq (Bógenbaı batyr dańǵyly), Astana sırki janyndaǵy (Qorǵaljyn tas jolyndaǵy) turaq.
Arnaıy avtobýstarda júrý quny qoǵamdyq kóliktegi jolaqynyń mólsherimen birdeı. Aılyq bıletter jaramsyz.
Eske salaıyq, 29 sáýirden 5 mamyrǵa deıin «Barys Arena» shaǵyn muz aıdynynda I dıvızıon «A» tobyna kiretin komandalar arasynda hokkeıden Álem chempıonaty ótedi.