Uzyndyǵy 25 metr, eni 16 metr bolatyn jylyjaı boı kótergennen beri osynda meńgerýshi bolyp eńbek etetin Tatıana Savenkovanyń aıtýynsha, seriktestik jetekshisi ǵımarattyń jobasyn ǵalamtordan alyp, jergilikti jerdiń klımatyna yńǵaılastyrǵan. Búginde munda kókónis pen gúldiń jıyrmaǵa tarta túri ósedi. Eshqandaı gerbısıd qoldanylmaıdy, tek kóńdi ǵana paıdalanǵandyqtan, ónim ekologııalyq jaǵynan taza. Shatyry polıkarbonatpen qaptalyp, jyly bolýy muqııat eskerilgen. Ortasha jylylyq +20, 25 gradýs bolsa, jaz mezgilinde +40 gradýsqa deıin jetedi. Mundaı temperatýra qııar, qyzanaq ósirýge óte qolaıly.
Jylyjaı ishinde tropıkalyq palma da ósip tur. Jas óskin Petropavldaǵy botanıkalyq baqtan ákelinip, máýeli aǵashqa aınalypty.
Bıyl taǵy bir jylyjaıdyń qurylysy qolǵa alynyp, jyl aıaǵyna deıin paıdalanýǵa berilmek. Ol úshin 100 myńǵa jýyq shyny shólmek jınalypty. Jergilikti kásipkerdiń tyń ıdeıasyna kezinde kúmánmen qaraǵandardyń kúdigi seıilip, kómek qoldaryn berýge qulshynyp otyr. Soltústik Qazaqstan oblysy, Ǵ.Músirepov aýdany