Qaraǵandy oblysynda Nur Otan partııasynyń «Ardagerlerdi ardaqtaıyq» jobasy aıasynda «Qamqorlyq aılyǵy» bastaldy. Atalǵan shara barysynda belsendi jastar Uly Otan soǵysynyń ardagerlerin, tyl eńbekkerleri men jalǵyz basty zeınetkerlerdi qamqorlyǵyna alady, dep habarlady oblys ákiminiń baspasóz qyzmeti.
Aksııa ardagerlerge qamqorlyq kórsetý jáne jastarǵa patrıottyq tárbıe berý maqsatyn kózdeıdi. «Jas Otan» jastar qanatynyń músheleri egde adamdardyń úılerine baryp, úı men aýla aýmaǵyn jınaýǵa, turmystyq jáne áleýmettik máselelerdi sheshýge qol ushyn beredi.
Aılyqtyń alǵashqy kúniniń ózinde-aq jasotandyqtar 36 maıdanger men tyl eńbekkeriniń úıine baryp, qarııalarǵa qajetti kómek kórsetti.
Qazirgi tańda Qaraǵandy oblysynda Uly Otan soǵysynyń 75 ardageri, UOS 21 múgedegi, 10 myńnan astam tyl eńbekkeri turady.