«Ata-anam armanymnyń oryndalýyna kóp atsalysty. Allanyń qalaýymen armanym júzege asty! Qaırat Sovetaıuly osy saparǵa demeýshilik kórsetkeni úshin alǵys aıtamyz», delingen Álıdiń Instagram jelisindegi paraqshasynda.
Álı úshin óziniń súıikti komandasymen hat almasý alǵashynda qıyn bolǵan. Barselonaǵa baratyn ushaq bıleti men onda turaqtaıtyn úıdiń joqtyǵy qarapaıym otbasy úshin qymbatqa túsken. Keıinirek «Qaırat» fýtbol klýby Baqylaý keńesiniń tóraǵasy Qaırat Sovetaıuly Álıge shaqyrtý kelgeni jaıynda aıtady. Budan soń, ol ushý bıleti men Barselonada turý aqysyn tólep beredi.
«Messı Álıdi qushaqtap, ony óte jyly qarsy aldy. Álemdik deńgeıdegi juldyzdyń qarapaıymdylyǵyna rıza boldyq», delingen Álıdiń Instagram jelisindegi paraqshasynda.
Kezdesý barysynda Álı kýmırimen sýretke túsip, oǵan qazaqstandyq shokolad syılady.