Qazaqstanǵa shetelderden kúni búginge deıin qus eti ónimderi tasymaldanyp keledi. Ulanǵaıyr dalasy bar, aýylsharýashylyǵynyń barlyq túrlerimen aınalysýǵa jaǵdaıy jetetin elimizde osy olqylyqtardyń ornyn toltyrýǵa kásipkerlerimiz qatty atsalysyp jatyr. Shıeli aýdanynda úsh jyl buryn 165 mln. teńgege «Móldir ı K» seriktestigi qus fermasyn iske qosqan bolatyn.
Qus fermasyna 2016 jyldyń jeltoqsan aıynda 12 myń balapan ákelingen. Odan bergi ýaqytta fermadaǵy 11 myń taýyqtan táýligine 10 myń dana jumyrtqa alynyp keldi.
2017 jyly «Bıznestiń jol kartasy 2020» baǵdarlamasy arqyly ekinshi deńgeıli bankten 33 mln 500 myń teńge qosymsha qarajat alynyp, qus fermasynyń 2 sehy iske qosyldy. Sonymen qatar, Túrkistan oblysynan taǵy 12 myń balapan ákelindi.
Búginde qus fermasynda 10 adam turaqty jumyspen qamtylǵan. Fermada ónim kólemi de artyp, munda táýligine 20 myń dana jumyrtqa alynady.
О́z eńbekteriniń jemisin kórgen seriktestik endi et baǵytyndaǵy qustardy ósirýdi josparlap otyr. Osylaısha, jylyna 66 tonna qus etin daıyndaýǵa bekingen ferma bul jumystardyń kókjıegin aldaǵy ýaqyttarda keńeıte bermek.