Osy qujatqa sáıkes, taraptar Qazaqstandaǵy memlekettik-jekeshelik áriptestik (MJÁ) jobalaryn júzege asyrý salasynda yntymaqtasýǵa jáne osy jobalarǵa koreı ınvestorlaryn tartýǵa járdemdesýdi kózdep otyr. 800 mln AQSh dollaryn quraıtyn tórt nysan qarastyrylady dep josparlanýda.
Atap aıtqanda, koreı ınvestorlary Túrkistan oblystyq tas jolyn, 300 tósektik kópsalaly aýrýhanany salý, Asfendııarov atyndaǵy Qazaq ulttyq medısına ýnıversıtetiniń 1265 tósektik biryńǵaı ýnıversıtettik aýrýhanasyn, sondaı-aq Qaraǵandy qalasynda 300 tósektik ýnıversıtettik klınıka qurý sekildi konsessııalyq jobalarǵa qyzyǵýshylyq tanytty.
Budan basqa, «Báıterek» UBH» AQ Koreı tehnologııalardy damytý ınstıtýtymen (KIAT) birlesip eki eldiń ózara paıdasy úshin qajetti tehnologııalyq saladaǵy kúsh-jigerdi biriktirýdi josparlap otyr.
Atalǵan bıznes-forým aıasynda Aıdar Áriphanov pen KIAT prezıdentiniń mindetin atqarýshy Chanmın Han (Changmin Han) myrza tıisti memorandýmǵa qol qoıdy. Taraptar ónerkásiptik tehnologııalar salasyndaǵy ınvestısııalyq jobalardy anyqtaý jáne damytý maqsatynda ózara qyzyǵýshylyq tanytatyn salalardy zertteýge nıetti.