Joba aıasynda jumysshy top jasaqtalyp, arnaıy Jol kartasyn ázirlengen bolatyn. Qazir elimizdiń barlyq óńirinde bul iske basymdyq berilip otyr. Osy «Qutty meken» ulttyq jobasy aıasyndaǵy jumystar Jetisý óńirinde de qyzyp tur. Qazir osy joba boıynsha oblystaǵy mańyzdy nysandar men tas joldarda bastalǵan qurylys jumystarynan tolyq aqparat beretin arnaıy bılbordtar men aqparattyq taqtaıshalar ornatylyp, turǵyn is barysynan habardar bolyp otyrǵa qol jetkizdi. Jaqynda «Nur Otan» partııasy partııalyq baqylaý qyzmetiniń basshylyǵy Almaty oblysynyń Jambyl aýdanyna is saparmen keledi. Arnaıy top óńirdegi respýblıkalyq mańyzy bar «Almaty-Bishkek» tas jolynyń 63-101 shaqyrymynda júrgizilip jatqan jóndeý jumystarymen tanysty.
- «Nurly jol», «Nurly jer», memlekettik jáne úkimettik baǵdarlamalaryn júzege asyrý aıasynda oblystyń depýtattyq fraksııasy janyndaǵy turaqty bes komıssııanyń músheleri, Elbasynyń «Bes áleýmettik bastamasy» aıasynda qurylǵan qoǵamdyq keńestiń, oblystyq fılıaldyń partııalyq baqylaý komıssııasynyń músheleri Ulttyq qordan bólinetin qarajattyń tıimdi paıdalanýyna baqylaý júrgizetin bolady, dedi turǵyndarmen kezdesýde Partııalyq baqylaý qyzmetiniń basshysy Dáýren Bıjumanov.
Jalpy Almaty oblysy boıynsha «Nurly jol» baǵdarlamasy aıasynda 116 jobanyń júzege asýy úshin 92,6 mlrd.teńge qarajat bólingen eken. Onyń ishinde 85 joba qoldanysqa berilse, 31 joba júzege asyrylýda. Al «Nurly jer» memlekettik baǵdarlamasy aıasynda aǵymdaǵy jyly 101 jobanyń júzege asyrylýyna 17,8 mlrdteńge kóleminde qarajat qarastyrylypty.
- Oblysta osy jyly kólik ınfraqurylymyn damytý úshin 12,3 mlrd teńge qarajat qarastyrylǵan. Onyń ishinde 3,2 mlrd teńge úsh avtokólik jolynyń qaıta qalpyna keltirýine, 9 mlrdteńge jol jóndeý jumystarynyń qosymsha 27 jobasyna bólindi. Al «Nurly jer» baǵdarlamasy aıasynda 784,5 myń sharshy metr baspana berilýi tıis. Osy jumystardyń barlyǵy partııanyń «Qutty meken» jobasy boıynsha qadaǵalanyp, sapa men nayqty nátıjege turǵyndarmen birge qol jetkizemiz, dedi «Nur Otan» partııasy oblystyq fılıal tóraǵasynyń orynbasary Gúlnar Toılybaeva.