Birikken Arabtar ámirliginiń Fýdjeıra qalasynda ótip jatqan Azııa chempıonatynyń sońǵy jarys kúninde birneshe jerlesimiz tatamıge shyǵyp, solardyń úsheýi qola medal úshin talasý múmkindigin saqtap qaldy.
90 kılo salmaqtaǵy Islam Bozbaev bastapqy básekelerinde Taıpeı men Qyrǵyzstannyń sportshylaryn aıqyn utqanymen, jartylaı fınalda Azııanyń eki dúrkin chempıony, Azııa oıyndarynyń qola júldegeri, tájikstandyq Komronshah Ýstopırennan jeńilip qaldy. Endi ol qola medal úshin Ońtústik Koreıanyń oǵlany Gvak Donhanmen kúsh synasady.
78 kılo salmaqtaǵy Zarına Raıfova Taıpeı balýanynan basym túsip, japon qyzynan utyldy. Endi jerlesimiz ońtústikoreıalyq Iýn Hıýdjımen beldesedi. +78 kılo salmaqtaǵy Gúljan Isanovanyń da jeńis tuǵyryna kóterilýge múmkindigi bar. Qytaı dzıýdoshysynan utylyp, Úndistannyń sportshysyna san soqtyrǵan ol úshinshi oryn úshin básekede Aspanasty eliniń taǵy bir ókili Vang Iаnmen kúresedi.