О́tinish ıeleriniń aıtýynsha áleýmettik qyzmetti kórsetý barysynda memlekettik satyp alýda artyq bıznes-prosesster, bıýdjet qarajatyn jymqyrý, jeke kómekshilerdiń tólem aqysynyń kólemin zańsyz tómendetý, artyq qujattardy suratý jáne normatıvti-quqyqtyq aktilerdegi qaıshylyqtary bar.
Osyǵan oraı, joǵaryda kórsetilgen máselelerdiń mańyzdylyǵyn eskere otyryp, atalǵan ótinishti sapaly qaraý jáne aryzdanýshylardyń keltirgen dálelderiniń rastyǵyn anyqtaý maqsatynda oblystyq memlekettik qyzmet isteri jáne sybaılas jemqorlyqqa qarsy is-qımyl departamenti múddeli memlekettik organdar ókilderiniń, atap aıtqanda qalalyq prokýratýra, «Aqtóbe qalasynyń sal aýrýyna shaldyqqan azamattardy qoldaý ortalyǵy» QB, «Erekshe Tańdaý Aqtóbe» KQ, «Obshestvo Neýnyvaıýshıh Invalıdov» QB ókilderiniń, sondaı-aq múmkindigi shekteýli azamattar men olardyń jeke kómekshileriniń qatysýymen jumys tártibindegi keńesin uıymdastyrdy.
Sonymen, talqylaý barysynda qatysýshylardyń jartysy normatıvtik-quqyqtyq aktilerge sáıkes jeke kómekshiniń qyzmetin memlekettik satyp alý arqyly júrgiziletndigine kelisse, al ekinshi jartysy jeke tulǵalarmen tikeleı kelisimge kelýge kelisetindigin jetkizdi.
О́tinish bildirýshilerdiń pikirinshe, deldaldarsyz memlekettik satyp alýdan bas tartý tenderlerdi alyp tastaýǵa, qujat aınalymyn qysqartý, sondaı-aq jeke kómekshilerdiń tólemderin arttyrý bóliginde bıznes úderisti ońtaılandyrýǵa alyp keledi.
Sonymen qatar, olar jeke kómekshiniń qyzmet kórsetý ýaqytyna da narazy ekendikterin jetkizdi.
- Meniń bilýimshe, Qaýlyda 8 saǵattan artyq emes dep kórsetilgen. Onda naqty shekteýler joq. Eger shekteý bolsa, bul degenimiz, jumys isteıtin múgedekti 4 saǵat júrgizip, úıinde jaýyp tastap, eshqaıda shyǵarmaý degenimiz. Bul múgedektiń quqyǵyn buzý, kemsitýshilik dep bilemin. Sondaı-aq, siz 41 mln.teńge bólinetinin ózińiz de aıttyńyz, onyń 9% - y ákimshilik shyǵyndarǵa alynady. Sondyqtan biz birlesken kelisim-shartty deldalsyz jasaý tıimdi dep sanaımyz, al bul 9% - dy basqa qajettilikterge jaratqan durys emes pe?, - dedi 1 top múgedegi Jánııa Aıaýbaeva.
О́z kezeginde ÚEU ókilderi qatysýshylarǵa táýliktiń kez kelgen ýaqytynda múgedekti kórsetilgen orynǵa jetkizýge qajetti kómek kórsete alatyn jeke kómekshilerdiń mobıldi tobyn qurýdy usyndy.
Keńes sońynda múmkindigi shekteýli azamattar men olardyń jeke kómekshilerine múgedekterge arnalǵan jeke kómekshiniń sharttaryn jasaý barysynda talaptar men tártibimen kelispegen jaǵdaıda shaǵymdaný quqyǵy men tártibin túsindirdi.