Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń «Uly dalanyń jeti qyry» atty baǵdarlamalyq maqalasyna oraılastyrylyp ótkizilgen saltanatty jıynnyń resmı bólimi oqý ornynyń «Aq shatyr» jazǵy alańynan bastaý aldy. Ýnıversıtet ujymy men stýdentteri jınalǵan kópshilik nazaryna oqý ordasynyń óner ujymdary men jekeleı oryndaýshylary daıyndaǵan konserttik baǵdarlama usynyldy. Sondaı-aq qazaq halqynyń ulttyq salt-dástúrlerinen syr shertetin mýzykamen árlengen teatrlandyrylǵan kórinis te mereke ajaryn aıshyqtaı tústi.
Sahna shymyldyǵy «Ular» etno-fıýjn ansambliniń oryndaýyndaǵy «Naýryz» ánimen ashyldy. Qyzdar ýnıversıtetiniń rektory Gaýhar Aldambergenova jurtshylyqty ultymyzdyń ulyq merekesimen quttyqtap, bul meıram urpaqtar sabaqtastyǵynyń jəne halqymyzdyń tereńnen tamyr tartatyn salt-dəstúri men mədenıetiniń sımvolyna aınalǵanyn aıtty.
– Ulystyń uly kúni – Naýryz meıramyna oraı 75 jyldyq tarıhy bar Qazaq ulttyq qyzdar pedagogıkalyq ýnıversıtetinde uıymdastyrylyp otyrǵan «Uly Dalanyń ulyq merekesi» atty jıynǵa qosh keldińizder! Babadan balaǵa mura bolyp kele jatqan Naýryz – halqymyzdyń birliginiń berekesi, shynaıy tirligimizdiń merekesi. Ulttyq órkenıetimizdiń ólshemi. Qazaq eli bul meıramdy qashanda bıik kóńilmen, keń peıilmen erekshe qarsy alady. Naýryzdy ulyqtaý – halqymyzdyń salty men dástúrin jańa kezeńge kóterý dep bilemiz. Naýryzdy jańǵyrtý – Qazaqstan Respýblıkasynyń Tuńǵysh Prezıdenti – Elbasy Nursultan Nazarbaevtyń «Uly Dalanyń jeti qyry» atty baǵdarlamalyq maqalasyndaǵy basym baǵyttar men mindetterdi júzege asyrýmen astasyp jatqan shara. Ulttyq kod pen ulttyq bolmys – rýhanı álemimizdiń ózegi. Ony damytý búgingi urpaqtyń basty paryzy, mindeti jáne shamshyraǵy. Jaqsylyqtyń jarshysy, jańa jyldyń bastaýy – Naýryz barshańyzdyń shańyraǵyńyzǵa shattyq pen nesibe ákelsin! Denderińizge saýlyq, tolaıym tabys tileımin, dedi Gaýhar Tóremuratqyzy.
Sondaı-aq merekelik sharaǵa arnaıy qonaq retinde qatysqan memleket jáne qoǵam qaıratkeri Shámshá Berkimbaeva, Qazaq ulttyq agrarlyq ýnıversıtetiniń rektory Tilektes Espolov, T. Júrgenov atyndaǵy Qazaq ulttyq óner akademııasynyń rektory Ashat Maemırov, Qurmanǵazy atyndaǵy Qazaq ulttyq konservatorııasynyń rektory Arman Júdebaev, S. Asfendııarov atyndaǵy Qazaq ulttyq medısına ýnıversıtetiniń rektory Talǵat Nurǵojın, T. Júrgenov atyndaǵy Qazaq ulttyq óner akademııasynyń Shyǵarmashylyq jumystar jáne halyqaralyq qatynastar jónindegi prorektory Sáken Maıǵazıev jáne IýNESKO-nyń Qazaqstandaǵy bıýrosynyń qyzmetkeri Meıirgúl Alpysbaeva Qyzdar ýnıversıtetiniń ujymyn Naýryz meıramymen quttyqtady.
«Memleket bolashaǵynyń kilti – qazirgi jańa tehnologııalardy jete meńgergen, sonymen qatar túp-tamyrynan ajyramaǵan, salty men dástúrin, tarıhyn biletin bilimdi de bilikti azamattardyń qolynda. Osy oraıda Ulystyń uly kúni – naǵyz salt-dástúrimizdi dáripteıtin, ulttyq naqyshymyzdy nasıhattaıtyn óreli de, ónegesi mol meıram. Jyl basy qutty bolsyn,» desti sóz alǵandar.
Merekelik sharanyń ekinshi bólimi ýnıversıtet alańynda jalǵasyn tapty. Munda aqshańqan kıiz úı tigilip, professor-oqytýshylar men stýdentter túbi bir túrki halyqtarynyń as mázirin daıyndap, jurtshylyqqa usyndy. Al, «Aq shatyr» alańynda «Uly dalanyń jeti qyry» maqalasyndaǵy basym baǵyttardy taqyryp etip alǵan fakýltetter ózara synǵa tústi. Atap aıtqanda, Ákimshilik «Ań stıli», Pedagogıka jáne psıhologııa fakýlteti «Atqa miný mádenıeti», Áleýmettik-gýmanıtarlyq fakýlteti «Altyn Adam», О́ner jáne mádenıet fakýlteti «Túrki áleminiń besigi», Jaratylystaný fakýlteti «Qazaqstan – alma men qyzǵaldaqtyń otany», Fızıka-matematıka fakýlteti «Uly daladaǵy ejelgi metallýrgııa» jáne Qazaq fılologııasy jáne álem tilderi fakýlteti «Uly Jibek joly» taqyryptarynda sahnalyq qoıylymdar qoıyp, ónerlerin kópshilik nazaryna usyndy.
Qazylar alqasynyń sheshimi boıynsha bas júldege Qazaq fılologııasy jáne álem tilderi fakýlteti laıyq dep tanyldy. Birinshi oryn Pedagogıka jáne psıhologııa fakýltetine buıyrsa, ekinshi oryndy Áleýmettik-gýmanıtarlyq fakýlteti men О́ner jáne mádenıet fakýlteti enshiledi. Al úshinshi oryn Ákimshilik, Fızıka-matematıka fakýlteti men Jarytylystaný fakýltetine buıyrdy.
Bir bul ǵana emes. Merekelik shara qarsańynda dekoratıvti-qoldanbaly shyǵarmashylyq kórmesi men ulttyq sport saıystary da uıymdastyryldy.
Qyzdar ýnıversıtetindegi Ulystyń uly kúnin toılaýǵa Almaty qalasyndaǵy eńbektegen baladan eńkeıgen qartqa deıin keldi. Merekelik sharada stýdentter men qonaqtarǵa naýryzkóje jáne basqa da ulttyq taǵamdar taratyldy. Kıiz úı úlgisinde arnaıy daıyndalǵan sahnada Halyqaralyq jáne respýblıkalyq óner baıqaýlarynyń laýreaty «Tomırıs» bı ansambli, «Aıgúl» vokaldy-aspaptar ansambli men ózge de ónerpazdardyń qatysýymen ótken gala-konsert kópshiliktiń ystyq yqylasyna bólendi.
Osylaısha Naýryz meıramy taǵylym men tárbıeniń qarashańyraǵynda sán-saltanatymen jáne erekshe tartymdylyǵymen kópshilikti tánti etti.