Sondaı-aq 20 omartashyny biriktirgen «Med Prıırtyshıa» kooperatıvi bal ónimderin usynady. Maqsat – jergilikti baldyń sapaly ári paıdaly ekenin jetkizý. Dárihanada jergilikti omartashylardyń shyǵarǵan propolısi bar muz kámpıtteri, baldy alma, uıadaǵy bal bar.
Endi omartashylar «Jemchýjına dolgoletııa» shıpajaıynda «Aralar uıasyndaǵy uıqy» atty emdik-saýyqtyrý ádisin ótkizip kórmek. Omarta sharýashylyǵynyń jetekshisi Sergeı Trofımovtyń aıtýynsha, demalýshylardyń ara uıasynda jatyp em alýyna arnalǵan eki oryndy, úsh buryshty shaǵyn úıler ornatylady.
– Ár orynnyń tómengi jaǵynda tórt ara uıasy ornalasady. Aralar ushyp júrmes úshin uıa beti torkózben jabylady. Em alýshy úshin taqtaı ústine kórpe tóseledi. Hosh ıisti gúlder ıisimen tynystap, adamnyń júıkesi tynyshtalady. Júrek-qan tamyrlary saýyǵyp, ókpesi tazarady. Ara uıasyndaǵy uıqy barysy dárigerdiń baqylaýynda bolady, – deıdi.
Sonymen birge omartashylar «Berezka» saıajaıy mańynda ekotýrızmge arnalǵan oryn ashpaq.
– Bal aǵzadaǵy zııandy qaldyqtardy shyǵarýǵa, aǵzany jasartýǵa, arterıaldyq qysymdy tómendetýge jáne semizdikpen kúresýge kómektesedi, – deıdi omartashylar.
Jaz kezinde óńir turǵyndary osy jerde demalady, omarta sharýashylyǵymen tanysyp, ózderi de bal jınaı alady.
Pavlodar oblysy