«Meniń prezıdenttik ókilettiligimdi toqtatýǵa qatysty úndeýim qazaqstandyqtar úshin kútpegen sheshim boldy. Keıbir adamdar bul málimdememdi ókinishpen qarsy aldy. Tipti, maǵan túsken hattardyń ishinde prezıdenttik saılaýǵa qaıtadan túsýge usynys jasap jatyr. Men barlyǵyna alǵys aıtamyn. Osy qobaljýdyń saıası astaryn da túsinip otyrmyn. Adamdar bolashaq úshin alańdaıdy. Turaqtylyq pen tynyshtyqty qalaıdy. Ultaralyq kelisimniń saqtalǵanyn tileıdi. Halyqqa izgi nıeti úshin, mahabbaty úshin, qurmeti úshin basymdy ıip, zor rızashylyǵymdy bildiremin», dedi N.Nazarbaev Nur Otan partııasynyń kezekten tys XIX sezinde.
Budan soń, Nursultan Nazarbaev Nur Otan partııasynyń atynan prezıdenttik saılaýǵa túsetin Qasym-Jomart Toqaevqa tolyǵymen senetinin aıtty.
«Qasym-Jomart Kemeluly Toqaev barlyq qazaqstandyqtardyń teń quqyqtary men ózara dostyq saıasatyn saqtaıtyn adam ekenin senimdi túrde aıta alamyn», dedi N.Nazarbaev.