Elektr jelisi tartylǵanymen, áli iske qosylmapty.
Qala ákiminiń keńesshisi Janbolat Azamattyń aıtýynsha, quny 736 mıllıon teńge turatyn kentti sýmen qamtamasyz etý jobasy ótken jyly memlekettik saraptamadan ótip, 2019 jylǵy bıýdjettik sharalar tizimine qosylypty.
Aldaǵy mamyr aıda merdiger anyqtalyp, sý tartý jumystary júrgizile bastaıdy.
Jumysty jalǵastyrý úshin qalǵan qarajat oblystyq, respýblıkalyq bıýdjetten surastyrylady. Jobada tereńdigi 430 metrlik eki uńǵymadan jerasty sýyn alý josparlanyp otyr.
Joba boıynsha, sý úılerdiń aýlasyna deıin tartylmaq.
Al, qalalyq Turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń málimetinshe, bıyl aýylda jalpy quny 30 mıllıon teńge turatyn eki keshendi blok-modýl (KBM) ornatylmaqshy.
Sondyqtan, qala ákimdigi turǵyndarǵa áli de bolsa shydaı turyńyzdar, sý qubyrlaryn ornatqan soń ǵana joldaryńyzdy jóndeımiz dep ketti.
Turǵyndarǵa oblys ortalyǵyna baryp-qaıtý úshin kóshe aralyq baǵyttaǵy úlken avtobýs qajet.
-Qalaǵa baryp oqıtyn oqýshylar úshin bul tipti qıyn, deıdi turǵyndar.
Al, qala ákimi Ánýar Kúmpekeev osy máselelerge baılanysty josparlar qurylyp, tıisti jumystar kóp kúttirmeı atqarylady dep aýyl turǵyndaryn sendirip, úıip-tógip ýáde berdi de ketti.