Qasym-Jomart Toqaev memlekettik tildi meńgerý jóninde emtıhan tapsyrdy

Osynyń aldynda, ıaǵnı 2019 jyl­ǵy 23 sáýirde Qazaqstan Res­pýblıkasy Ortalyq saılaý komıssııa­syna «Qazaqstan Res­­pýb­lıkasyndaǵy saılaý týraly» Konstıtýsııalyq zańy­nyń 55-babyna sáıkes Nur Otan partııasy Qazaq­stan Res­pýb­lıkasynyń prezı­dent­tigi­ne kandıdat retinde Qasym-Jomart Kemeluly Toqaevtyń tıis­ti qujattaryn tapsyrǵan bola­tyn. Onda Nur Otan par­tııasy joǵary organynyń Qazaq­stan Respýblıkasynyń pre­zı­denttigine kandıdat usy­ný jónin­degi otyrysynyń hat­­ta­ma­synan úzindi, Qasym-Jomart Kemeluly Toqaevtyń Qazaqstan Respýblıkasynyń prezıdenttigine kandıdat bolyp daýysqa túsýge kelisim bergeni týraly ótinishi, ómir­baıan­dyq de­rekteri, Qazaqstan Respýb­lı­ka­sy Ortalyq saılaý komıs­sııa­­­sy­nyń shotyna saılaý jar­na­syn engizgenin kýá­landy­ra­tyn qujat, jeke basyn kýálan­dy­ratyn qujat­tyń kóshirmesi; jo­ǵar­y oqý ornyndaǵy bilimi tý­raly dıp­lom­darynyń kó­shir­me­leri jáne memlekettik qyz­met­te jumys tájirıbesiniń bar ekenin rastaıtyn qujattar boldy.

Bul qujattardyń bári talap­qa saı bolǵannan keıin lıng­­vıstı­ka­lyq komıssııa músheleri zańǵa saı kan­dı­dattyń mem­lekettik tildi er­kin meń­gergendigin anyq­taý rásimine kiristi. Qazaq­stan Res­pýblıkasynyń prezı­denttigine kandıdattyń mem­lekettik tildi erkin meńger­gendigin anyqtaý úshin aldymen lıngvıstıka­­lyq komıssııa usynǵan taqyryp­qa kólemi eki betten aspaı­tyn jazbasha tapsyrma jazý berile­di. Odan keıin lıngvıs­tıka­lyq komıssııa usynǵan kólemi úsh betten as­paıtyn baspa mátinin oqý usy­nylady. Al lıngvıstıkalyq komıssııa usynǵan taqyrypqa saı kópshilik aldynda sóz sóıleýge keminde on bes mınýt ýaqyt beriledi.

Bul jaıynda lıngvıstıka­lyq komıssııa tóraǵasy Myr­zataı Joldasbekov: «Búgin lıng­vıstıkalyq komıssııa óz ju­my­syn bastady. Nur Otan par­tııa­sy usynǵan úmitker Qasym-Jomart Toqaev emtıhan tapsyr­dy. Eki saǵat ýaqyt boldy. Barlyq erejege sáıkes emtıhan­dy tapsyrdy. Birinshi jazba ju­mysynyń taqyryby – «Abaı Qu­nan­baıulynyń poezııasy men qara sózderi». Ekinshi mátin oqý­ǵa Sherhan Murtazanyń «Myń­­bulaq» áńgimeler men hı­kaıat­­tar jınaǵyn tańdap aldy. Úshin­­­shisi, ol kisiniń jany­na ja­qyn ta­qyryp – «Qazirgi Qazaq­­stan­nyń geosaıasaty» boldy. Ko­mıssııa músheleri tolyq qu­­­­ram­­da qatysyp, ózderiniń pikir­­­­lerin ashyq bildirip otyrdy», dedi. Budan bólek, ol: «Qazaqstan Respýblıkasy prezıdenttigine kandı­dat birinshi jazba jumy­syn jazǵanda Abaıdyń poe­zııasy týraly, Abaıdyń qara sózderi, onyń halyqqa beretin mańyzy týraly óte tereń jazdy. Biz ol jumystan birde-bir qate kórgenimiz joq. Al Sherhan Mur­ta­zanyń «Myńbulaq» atty á­ńgimeler men hıkaıattar kita­byn ózi tańdap alyp, sonyń úsh betin oqydy. Oqyǵanda da óte mánerlep, óz yrǵaǵyna saı ke­lis­tirip oqydy. Qazirgi Qazaq­­stan geosaıasaty týraly ol kisi tereń sóıledi. Osylardyń bárin taldaı kelgende lın­g­vıstıkalyq komıssııanyń ber­gen qorytyndysy: «Qasym-Jomart Kemeluly Toqaev mem­lekettik tildi tolyq, jan-jaqty meńgergen», dedi.