75 kelide sharshy alańǵa shyqqan Tursynbaı Qulahmet tanymal ózbekstandyq boksshy Israıl Madrımovtan basym tústi. Ol tóreshiler sheshimimen jekpe-jek jeńimpazy dep tanyldy. Ataqty qarsylasynan taısalmaǵan qazaqstandyq boksshy endi jartylaı fınalda judyryqtasady.
Sondaı-aq, 60 kelidegi Zákir Safıýllın de jartylaı fınalda. Ol shırek fınalda qytaılyq Szıýn Shandy jeńgen bolatyn.
91 kelidegi Vasılıı Levıt Irak boksshysynan basym tústi. Al qyzdar komandasynyń músheleri Dına Jolaman men Rımma Volosenko qurlyq básekesinde júldesiz qaldy. Olar tıisinshe Qytaı jáne Úndistan boksshylarynan utylǵan.
75 kelide judyryqtasqan Aqerke Baqytjan qytaılyq Lı Sıannan aıla asyra almady.
О́kinishke qaraı, 69 kelidegi Aslanbek Shymbergenov te qurlyq dodasynan qur qol qaıtpaq. О́zbekstandyq Bobo-Ýsmon Batyrovpen kezdesý barysynda tóreshiler sheshimimen jekpe-jek toqtatyldy. Oǵan Shymbergenovtiń qabaǵy jarylyp ketkeni sebep boldy. Kezdesý toqtatylǵan kezde tóreshiler esebi boıynsha Batyrov alda bolǵan.
Al asa aýyr salmaqtaǵy boksshy, Qazaqstan komandasynyń kapıtany Qamshybek Qońqabaev ıordanııalyq sportshyny jeńip, jartylaı fınalǵa ótti.