«Asanáli Áshimovtiń óner men mádenıetti qoldaý qory» keń-baıtaq respýblıkamyzdyń aımaqtarynda, onyń ishinde Almaty qalasynda birqatar uıymdastyrý is-sharalaryn júzege asyrýǵa uıytqy bolyp jatyr. Qordyń bıik maqsaty – elimizdegi mádenıet pen ónerdi damytýmen qatar jas talanttarǵa qoldaý kórsetý jáne qoǵamnyń asa kórnekti qaıratkerleriniń eńbegin dáriptep, saqtaý. Osy salada asa kórnekti mádenıet qaıratkeri Asanáli Áshimovtiń sińirgen eńbegin qoǵamdyq qor arqyly memleketimizdiń murasyna aınaldyrý. Osy baǵytta qoǵamdyq qordyń júzege asyryp jatqan birqatar irgeli is-sharalaryn atap ótýge bolady. Qoǵamdyq qordyń alǵa qoıǵan basty maqsattarynyń biri – Almaty qalasynan «Asanáli ortalyǵyn» salý. Atalǵan ortalyqta ashylatyn «Asanáli teatry», «Asanáli mýzeıi», «Asanáli akterlik mektebi» de ulttyq ónerimizdiń órisin keńeıtýdi kózdeıdi. Teatr jáne kıno ónerine eńbegi sińgen korıfeılerge kómek kórsetý, qoldaý bildirýdi de atalǵan qoǵamdyq qor qasıetti paryz sanaıdy. T.Júrgenov atyndaǵy Qazaq ulttyq óner akademııasynyń úzdik dep tanylǵan stýdentine qordyń atynan bir jyldyq shákirtaqy taǵaıyndaıdy. T.Júrgenov atyndaǵy Qazaq ulttyq óner akademııasynyń úzdik dep tanylǵan stýdentin alys-jaqyn sheteldik oqý oryndaryna tájirıbe almasýǵa jiberý qoǵamdyq qordyń josparlaǵan murat-maqsattarynyń biri bolyp tabylady. Qazaqstanda ótkiziletin 5 kınofestıval jáne teatr festıvaliniń «Eń úzdik er adam» atalymy boıynsha júldegerlerin marapattaýdy atalǵan qor ádemi dástúrge aınaldyrmaq. Sondaı-aq, qor halyqaralyq aıtys júldegerlerin de marapattap, ulttyq ónerdiń jalaýyn jelbiretip júrgen aqyndardy bıikke umtylýǵa qulshyndyrǵysy ári qanattandyrǵysy keledi. Álemge áıgili akter Asanáli Áshimovtiń shyǵarmashylyǵyn qoldaý – qoǵamdyq qordyń basty baǵytynyń biri.
Qordyń quryltaıshylary – «Arna Group» quryltaıshysy Meıirjan Orazbaev, «Kusto Group» quryltaıshysy Erkin Tátishev, «Katek» JShS-niń prezıdenti Qundyz Nýpov. Qoǵamdyq qordyń tóraıymy – Baǵdat Áshimova. Qordyń dırektory – Dınara Ábsalyq. Qoǵamdyq qordyń aqyldastar alqasynyń músheleri – T.Júrgenov atyndaǵy Qazaq ulttyq óner akademııasynyń rektory Ashat Maemırov, aqyn, Qazaqstannyń eńbek sińirgen qaıratkeri Júrsin Erman.
О́ner men mádenıet – ulttyń ulylyǵyn aıshyqtaıtyn halyqtyń asyl murasy, parasaty men bet-beınesi. О́rkenıetti memleket, eń aldymen, álemdik mádenıettiń altyn qoryna qosqan qomaqty úlesimen ózgelerden bási basym bolmaq. Qazaq teatry men kınosynyń korıfeıi, Qazaqstannyń Eńbek Eri, KSRO jáne Qazaqstannyń halyq artısi, Memlekettik syılyqtardyń laýreaty Asanáli Áshimov shyǵarmashylyq dara jolynda talǵamy joǵary kórermen qaýymdy qalyptastyryp, san býyndy ósirdi, úmit syılady, talaı ónerpazdyń jolyn ashty. Onyń kıno men teatrdaǵy keıipkerlerine eliktep keıingi urpaq ósti. Búgingi kúni qazaq óneriniń abyz aqsaqaly atanǵan, ańyz akterdiń batasyn alyp boı túzeıtin, shapaǵatyn kórip shyń baǵyndyrýǵa bekingen ónerpazdar legi ósip keletini aqıqat.
Qoǵamdyq qordyń ashylý rásiminde Asanáli Áshimulynyń «Meniń janrym – kúndelik» atty jańa kitabynyń tusaýkeseri boldy. Teatr tarlanynyń jan-dúnıesine, kóńil terezesine bir sátke úńildiretin bul kitap «ARNA-B» baspasynan jaryq kórgen. Asanáli Áshimuly stýdent kezden bastap kúndelik jazýdy daǵdyǵa aınaldyrǵan. О́kinishke qaraı, sol kezdegi jazyp júrgen onshaqty dápteri qoldy bolyp ketken. Talantymen kúlli álemdi tamsandyrǵan álemge áıgili akterdiń sońǵy 50 jylǵa jýyq jazǵan kúndelikteri búginde birneshe ret jeke kitap bolyp jaryqqa shyǵyp, oqyrman suranysyn arttyryp keledi. Oqyrmanǵa jol tartqan jańa kitapta sol kúndelikterdiń sońǵy 7 jyldaǵy jazbasymen qosa tolyq nusqasy jarııalanǵan.
Qoǵamdyq qordyń ashylý saltanatynda Qazaqstannyń Eńbek Eri, KSRO jáne Qazaqstannyń Halyq artısi, Memlekettik syılyqtardyń laýreaty Asanáli Áshimuly jańa qurylǵan qoǵamdyq qorǵa aq batasyn berip, aq jol tiledi.
«Asanáli Áshimovtiń óner men mádenıetti qoldaý qory» — Elimizdiń tól tarıhyndaǵy eleýli oqıǵa. Qoǵamdyq qor týǵan jerin, týǵan elin súıetin azamattardyń qajyrly eńbegimen sharapatty sharalarǵa izgi bastama bolady. Ǵıbratty ǵumyr keshken Asanáli Áshimuly – ónerdiń baǵy men qudireti qos ıyǵyna qonǵan ardaqty azamat.
Bul kún qazaqtyń mádenı keńistiginde, elimizdiń rýhanııat áleminde erekshe qýanyshty kún. Halyq pen óner álimsaqtan egiz uǵym. Ulttyq óner men mádenıetimizdi qoldaý qorynyń qurylýy – úlken jumys. Qazaqstannyń Eńbek eri Oljas Súleımenov bastaǵan el aǵalary, óner maıtalmandary bas qosqan jıyn - El mádenıetindegi aıtýly oqıǵaǵa aınalǵany anyq. Maqsaty aıqyn, bolashaǵy jarqyn qor osyndaı tyń bastamamen, óz jumysyn bastap ketti.