Birinshiden, máslıhattyń «Shymkent qalasynyń basqarý shemasy» týraly sheshimine ózgeris engizildi. Qala ákimi apparatynyń basshysy Erkeǵalı Álimqulov baıandama jasap, memlekettik satyp alýdy biryńǵaı uıymdastyratyn basqarma qurýdy usyndy. Depýtattar bul usynysty biraýyzdan qoldap, Shymkent qalasynyń memlekettik satyp alý basqarmasy quryldy.
Sessııa otyrysynda jergilikti memlekettik-jekemenshik áriptestik jobalarynyń tizbesin bekitý týraly sheshimge tolyqtyrýlar engizý máselesi qaralyp, depýtattar jalpy 14 jobanyń tizimin maquldady.
– Zańǵa sáıkes, jańa basqarma qurý – ýaqyt talaby. Endi barlyq memlekettik satyp alý jumystaryn osy basqarma júzege asyrady. Jaqsy mamandardy jumysqa qabyldaımyz. Iаǵnı, merdigerler boıynsha jumys jandanyp, jalaqy tóleý máseleleri sheshiledi. Al memlekettik-jekemenshik áriptestik jobalarynyń barlyǵy da qalanyń damýyna serpin beredi. Bıyl Eńbekshi aýdanyndaǵy barlyq balalar alańshasy tolyq jańartylady, - dedi qala ákimi Ǵ. Ábdirahymov.
Májiliste, sonymen qatar, Shymkent qalasy ákimdiginiń janyndaǵy halyq densaýlyǵyn qorǵaý máseleleri jónindegi úılestirý keńesiniń quramy, ákimdik janyndaǵy dinı birlestiktermen baılanystar jónindegi keńestiń quramy jáne derbes quramy, úkimettik emes uıymdarmen ózara is-qımyl jónindegi keńestiń derbes quramy bekitildi.