Bul oraıda otyrysty ashqan Ortalyq saılaý komıssııasynyń tóraǵasy Berik Imashev 2019 jyldyń 9 maýsyna taǵaıyndalǵan Qazaqstan Respýblıkasy Prezıdentin kezekten tys saılaýynda Qazaqstan Respýblıkasynyń Prezıdenttigine kandıdat Qasym-Jomart Kemeluly Toqaevtyń Qazaqstan Respýblıkasynyń Konstıtýsııasynda jáne "Qazaqstan Respýblıkasyndaǵy saılaý týraly" Konstıtýsııalyq zańynda oǵan qoıylǵan talaptarǵa sáıkestigin anyqtaý týraly baıandama jasaý úshin sóz tizginin Ortalyq saılaý komıssııasynyń hatshysy Sábıla Mustafınaǵa berdi.
Baıandamashy 2019 jylǵy 25 sáýirde Ortalyq saılaý komıssııasy Qazaqstan Respýblıkasynyń Prezıdenttigine kandıdat Qasym-Jomart Kemeluly Toqaevtyń ózine Konstıtýsııada jáne «Qazaqstan Respýblıkasyndaǵy saılaý týraly» Konstıtýsııalyq zańynda qoıylǵan talaptarǵa sáıkestigin anyqtaý týraly qaýlyny qabyldady, dedi. Odan ári ol, ıaǵnı 2019 jylǵy 23 sáýirde «Qazaqstan Respýblıkasyndaǵy saılaý týraly» Qazaqstan Respýblıkasy Konstıtýsııalyq zańynyń 55-babyna sáıkes «Nur Otan» partııasy» qoǵamdyq birlestigi Qasym-Jomart Kemeluly Toqaevty Qazaqstan Respýblıkasynyń Prezıdenttigine kandıdat retinde usynýyna baılanysty onyń tıisti qujattaryn Qazaqstan Respýblıkasy Ortalyq saılaý komıssııasyna usynǵanyn jetkizdi. Onda «Nur Otan» partııasy» qoǵamdyq birlestiginiń joǵarǵy organy otyrysynyń Qasym-Jomart Kemeluly Toqaevty Qazaqstan Respýblıkasynyń Prezıdenttigine kandıdat retinde usyný týraly hattamasynan úzindi kóshirme, Ortalyq saılaý komıssııasynyń shotyna saılaý jarnasynyń engizilgenin kýálandyratyn qujat, Qasym-Jomart Kemeluly Toqaevtyń ómirbaıandyq derekteri, jeke basyn kýálandyratyn qujattyń, joǵary oqý ornyndaǵy bilimi týraly dıplomdarynyń kóshirmeleri jáne memlekettik qyzmette nemese memlekettik saılanbaly laýazymdardaǵy jumys tájirıbesi týraly málimetter men onyń Qazaqstan Respýblıkasynyń Prezıdenttigine kandıdat retinde túsýge kelisim bergeni týraly ótinish qujattary boldy dedi.
Al 2019 jylǵy 23 sáýirde Qazaqstan Respýblıkasy Ortalyq saılaý komıssııasynda Qasym-Jomart Kemeluly Toqaevtyń memlekettik tildi erkin meńgergendigin anyqtaý jónindegi lıngvıstıkalyq komıssııanyń otyrysy da ótti. Lıngvıstıkalyq emtıhan barlyq belgilengen kezeńder boıynsha ótkizildi.
О́tkizilgen emtıhannyń nátıjeleri boıynsha lıngvıstıkalyq komıssııa Qazaqstan Respýblıkasynyń Prezıdenttigine kandıdat Qasym-Jomart Kemeluly Toqaevtyń memlekettik tildi erkin meńgergeni jóninde sheshim qabyldady.
Baıandamashynyń aıtýy boıynsha, odan ári Ortalyq saılaý komıssııasy Qazaqstan Respýblıkasynyń Prezıdenttigine kandıdat Qasym-Jomart Kemeluly Toqaevtyń Konstıtýsııada jáne «Qazaqstan Respýblıkasyndaǵy saılaý týraly» Konstıtýsııalyq zańda belgilengen talaptarǵa sáıkestigin tekserýde járdemdesýi úshin ýákiletti memlekettik organdarǵa suraý salyp, tıisti málimetter alǵan. Osy málimetter nátıjesinde Ortalyq saılaý komıssııasy Qasym-Jomart Kemeluly Toqaev: Ishki ister mınıstrliginiń Kóshi-qon qyzmeti komıtetiniń málimetteri negizinde týmysynan Respýblıka azamaty bolyp tabylatyndyǵyn, ıaǵnı sońǵy on bes jyl ishinde Qazaqstanda turatyny naqty anyqtalǵan. Bul Konstıtýsııalyq Keńestiń «Qazaqstan Respýblıkasy Konstıtýsııasynyń 41-babynyń 2-tarmaǵyn resmı túsindirý týraly» 2019 jylǵy 25 sáýirdegi № 4 normatıvtik qaýlysyna saı Konstıtýsııanyń 41-babynyń 2-tarmaǵyna sáıkes keledi. Joǵary bilimi bar ekenin anyqtalǵan. Al Bas prokýratýranyń Quqyqtyq statıstıka jáne arnaıy esepke alý jónindegi komıtetiniń málimetteri negizinde: sot zańmen belgilengen tártipte ótelmegen nemese alyp tastalmaǵan sottalǵandyǵy joqtyǵyn; sot sybaılas jemqorlyq qylmys jáne sybaılas jemqorlyq quqyq buzýshylyq úshin jaýapqa tartpaǵanyn jáne belsendi saılaý quqyǵyna ıe ekendigin anyqtaǵan. Sonymen qatar Memlekettik qyzmet isteri jáne sybaılas jemqorlyqqa qarsy is-qımyl agenttiginiń málimetteri negizinde memlekettik qyzmette, sondaı-aq saılanbaly memlekettik laýazymdarda keminde 5 jyl jumys tájirıbesi bar ekendigi anyqtalǵan.
Osylaısha atalǵan qaýlynyń 1-tarmaǵynda Qazaqstan Respýblıkasynyń Prezıdenttigine kandıdat Qasym-Jomart Kemeluly Toqaevtyń Qazaqstan Respýblıkasynyń Konstıtýsııasynda jáne «Qazaqstan Respýblıkasyndaǵy saılaý týraly» Konstıtýsııalyq zańynda qoıylǵan talaptarǵa sáıkes keletini tolyq anyqtalǵan. Qaýlynyń 2-tarmaǵynda oblystardyń, respýblıkalyq mańyzy bar qalalardyń, Qazaqstan Respýblıkasy astanasynyń saılaý komıssııalaryna Qazaqstan Respýblıkasynyń Prezıdenttigine kandıdatty qoldap qol jınaýǵa arnalǵan qol qoıý paraqtaryn Qasym-Jomart Kemeluly Toqaevqa berý tapsyrylǵan. Al qol jınaýdy Prezıdenttikke kandıdattyń senim bildirgen adamdary júzege asyrady jáne ol qol qoıý paraqtarymen resimdeletini belgili, dep sózin aıaqtady baıandamashy.