Bokstan Taılandta ótip jatqan Azııa chempıonatynyń jartylaı fınalynyń keshki baǵdarlamasy Qazaqstan quramasy úshin sátti boldy.
Qazaqstannyń boksshylary arasynan alǵashqy bolyp rıngke kóterlgen 60 kılo salmaqtaǵy Zákir Safıýllın úndistandyq Shıva Thapamen utyp, fınalǵa shyqsa, jeńisti joldy 75 kılo salmaqtaǵy Bek Nurmaǵanbet pen asa aýyr salmaqtaǵy Qamshybek Qońqabaev jalǵastyrdy. Bek qyrǵyzstandyq Erkin Ádilbekulyn kúmánsiz utsa, Qamshybektiń qarsylasy Úndistannyń ókili Satısh Qumar jekpe-jekke shyǵýdan bas tartty.
Osylaısha, Azııa chempıonatynyń aqtyq synynda erler arasynda tórt boksshymyz óner kórsetedi. Fınaldyq saıystar erteń ótedi.