27-28 sáýir kúnderi Japonııanyń Tokıo qalasynda sınhrondy júzýden álem kýbogi kezeńi ótedi. Qazaqstandyq sportshylar eki baǵdarlama boıynsha synǵa túsedi dep jazady Olympic.kz.
Tokıodaǵy týrnırge álem úzdikteri tegis jınalmaqshy. Bas bapker Álııa Karımovanyń aıtýynsha, bul álem chempıonaty qarsańyndaǵy mańyzdy jarystardyń biri. Japonııadaǵy álem kýbogi kezeńinde qazaqstandyq sportshylar dýet jáne aralas dýet boıynsha óner kórsetedi.
Tehnıkalyq dýetten Aleksandra Nemıch pen Ekaterına Nemıch baq synasa, aralas tehnıkalyq dýette Áıgerim Isaeva men Oljas Mahanbetııarovtiń aıaq alysyn baqylaımyz.