Uly Abaıdy ulyqtaǵanda, onyń ákesi - Qunanbaıdyń el tarıhyndaǵy eńbegin umytpaýymyz qajet. Bul týraly týraly Memleket basshysy Qasym-Jomart Toqaev Semeı qalasynyń zııaly qaýym ókilderimen kezdesýinde aıtty, dep jazdy Qazaqstan Respýblıkasy Prezıdentiniń baspasóz hatshysy B.Ýálı óziniń Feısbýk paraqshasynda.
«Uly Abaıdy ulyqtaǵanda, onyń ákesi - Qunanbaıdyń el tarıhyndaǵy eńbegin umytpaýymyz qajet. Ol - Semeıde ǵana emes, tutas qazaq tarıhynda óz orny bar tulǵa. Ony halqymyz jaqsy biledi, qadir tutady», dedi Memleket basshysy.
Prezıdent osyǵan oraı, aldaǵy ýaqytta oblys ákimdigi Qunanbaıdyń esimin ulyqtaýǵa baılanysty tıisti sharalar qabyldaý múmkindigin qarastyrýy qajet ekendigin aıtty.
«Jas urpaqqa jaqsy úlgi-ónege bolatyn isti men árqashan qoldaımyn. Elbasynyń «Rýhanı jańǵyrý» baǵdarlamasyn júzege asyrý úshin biz, shyn máninde, osyndaı sabaqtastyq dástúrine jol ashatyn biregeı bastamalardy qolǵa alýymyz kerek», dedi Qasym-Jomart Toqaev.