Qyzylorda oblystyq soty óńirdegi sot organdarynyń qyzmetteri týraly aqparat alýǵa múmkindik beretin «QR-code» júıesin iske qosty. Bul týraly oblystyq sottyń baspasóz qyzmeti habarlady.
Endi azamattar kerekti aqparatty «QR-code» júıesi arqyly tez ári ońaı taýyp, sottardyń meken-jaılaryn, memlekettik bajdyń derektemelerin bile alady.
Sonymen qatar, osy júıe arqyly «Sot kabınetine» telefon arqyly kirip, sottardyń senim telefondaryn, ashyq esik kúnder kestelerin jáne t.b. anyqtaýǵa múmkindik bar. Bul úshin paıdalanýshy «Play market» nemese basqa baǵdarlamalar arqyly «Skaner QR shtrıh kodov» qyzmetin kóshirip alýy kerek.
Budan keıin sottyń ǵımaratynda ornalastyrylǵan kerekti shtrıh-kod smartfonnyń kamerasy arqyly skanerlenedi. Osydan soń ekranda paıda bolǵan silteme boıynsha qajetti aqparat jazylǵan sot paraǵyna aýysýǵa bolady.
«QR-code» azamattar úshin qolaıly etilip jasalǵan ári ol aldaǵy ýaqytta jańartylyp turatyn bolady.