- Prezıdent saılaýy – demokratııalyq damýdyń negizi. Jastar – el bolashaǵy, al stýdentter – qazaqstandyq qoǵamnyń eń belsendi bóligi. Biz tańdaıtyn kandıdat elimizdi alǵa jeteleıdi, ol jastardy qoldaý saıasatyn damytýdy jalǵastyrady. Memleketimizdiń álemdik úrdisterdiń bir bóligi bolýy jolynda tynymsyz eńbek etedi dep senemiz, - dedi prorektor A. Aqyshev.
Oblystyq Assambleıa janyndaǵy Jastar birlestikterin úılestirý keńesiniń tóraǵasy Ramıl Smaılovtyń aıtýynsha, kezekten tys Prezıdent saılaýy – el taǵdyry óz qolymyzda ekenin dáleldeıtin shara.
- Biz durys joldy tańdaımyz. Saılaý elimizdiń damýyn baǵdarlaıtyn mańyzdy qadam bolmaq. Árqaısymyz alyp mehanızmniń bir bóligi ekenimizdi túsinsek, mindetti túrde daýys beremiz. Ár daýys pen ár pikir azamattyq qoǵamnyń damýy, qoǵamdyq kelisim men ultaralyq birlikti saqtaý úshin mańyzdy, - deıdi Ramıl Smaılov.