Bul týraly fılologııa ǵylymdarynyń doktory, professor, Qazaqstan Respýblıkasy Ulttyq ǵylym akademııasynyń akademıgi, L.N. Gýmılev atyndaǵy Eýrazııalyq ulttyq ýnıversıteti qazaq ádebıeti kafedrasynyń meńgerýshisi, lıngvıstıkalyq komıssııanyń múshesi Seıit Qasqabasov: - Búgingi lıngvıstıkalyq komıssııanyń otyrysyna Qazaqstan Respýblıkasynyń Prezıdenttigine kandıdat Danııa Espaeva keldi. Ol el Konstıtýsııasynyń 41-babynyń 2-tarmaǵyna sáıkes "Aq jol" Qazaqstan demokratııalyq partııasy qoǵamdyq birlestigi atynan usynylǵan. Lıgvıstıkalyq komıssııa quramy tolyq quramda boldy. Memlekettik tildi erkin meńgergendigin anyqtaý ádettegideı úsh kezeńnen turdy. Birinshi kezeńdegi jazbasha jumysqa kandıdat "Uly Dalanyń jeti qyry" atty taqyrypty tańdap aldy. Ekinshi taqyrypqa aqyn Muqaǵalı Maqatevtyń "Amanat" atty kitabyn tańdap aldy. Úshinshi tapsyrma boıynsha 15 mınýt sóz sóıleý kerek. Kandıdat buǵan "Qoǵam jáne demokratııa" atty taqyrypty tańdap aldy.
Kandıdat emtıhan tapsyrýǵa berligen ýaqytty tolyqtaı paıdalandy. Lıngvıstıkalyq komıssııa Qazaqstan Respýblıkasynyń Prezıdenttigine úmitker Espaeva Danııa Madıqyzynyń jumystaryn jan-jaqty taldap, mynadaı qorytyndyǵa keldi: kandıdat Danııa Espaeva birinshi tapsyrma boıynsha "Uly dalanyń jeti qyry" taqyrybyn jan-jaqty jetik ári tereń ashyp jazǵan. Salaýatty, saýatty da taldaý jasaǵan. Ekinshi taqyryp boıynsha aqyn Muqaǵalı Maqataevtyń eki óleniń oqydy. О́leńderdi óte jaqsy oqydy. Qazaq tiliniń normalary boıynsha oıyn anyq ta, jetik jetkize bildi. Sóıtip qazaq tilin jaqsy meńgergendigin kórsetti. Úshinshi tapsyrma boıynsha, ıaǵnı Qoǵam jáne demokratııa" taqyrybyna saı óte jaqsy sóılep shyqty. Saıası, mádenı jaǵynan da óte saýatty ekenin tanytty. Bizdiń suraqtarymyzǵa laıyqty jaýap berdi. Demek, bul taqyryp boıynsha da memlekettik tildi jaqsy meńgergen dep joǵary baǵaladyq. Sonymen lıngvıstıkalyq komıssııanyń baǵalaý nátıjesi boıynsha, Qazaqstan Respýblıkasynyń Prezıdenttigine kandıdat Danııa Espaeva memlekettik tildi erkin meńgergen degen qorytyndyǵa keldi, dep sózin túıdi.