Meımandar «S. Kırov atyndaǵy zaýyt» AQ-da bolyp, atqarylyp jatqan aýqymdy sharalarmen kásiporynnyń bas dırektory Amangeldi Arǵynbaev tanystyrdy. Munda baılanys jáne qaýipsizdik júıeleri, sıfrlyq televıdenıe qondyrǵylary, munaı-gaz keshenderine arnalǵan qurylǵylar shyǵarylady. Jýyrda kompanııa ónimderi kópqabatty baspa platalarymen, ıntegraldy shaǵyn syzbalarmen tolyǵypty. 700-ge jýyq adam jumys isteıdi. Jyl aıaǵyna deıin 18 mıllıard teńgeniń ónimderin shyǵarý josparlanǵan. Qazirgi tapsyrys 10 mıllıard teńgege jetken.
Delegasııa músheleri «Radýga» JShS-de jeke ındýstrıaldyq aımaǵyndaǵy óndiris nysandarynyń, ozyq tehnologııalardyń juymystarymen tanysty.
Ákimdiktegi resmı kezdesý sońy eki oblys quramalary arasynda ótken shaıbaly hokkeıden joldastyq kezdesýge ulasty.