– 9 maýsymda elimizde asa mańyzdy saıası oqıǵa bolady. Qazaqstan táýelsizdigin alǵan shırek ǵasyrdan asa ýaqyttan beri bul el tarıhyndaǵy Prezıdent saılaıtyn altynshy saılaý bolyp otyr. Sol jyldardyń barlyǵynda Elbasy Nursultan Nazarbaevtyń basshylyǵymen el zor tabysqa jetti, damydy, kórkeıdi. Nursultan Ábishuly eldiń birligin barlyq tabystardyń kepili dep bildi. 2019 jyldyń 19 naýryzynda ol ókilettigin aıaqtap, bılikti Qasym-Jomart Toqaevqa tapsyrdy. Búgingi Memleket basshysy Qasym-Jomart Toqaev barlyq tıisti zańdarǵa sáıkes kezekten tys prezıdenttik saılaýdy belgiledi. Al árbir qazaqstandyq osy saıası oqıǵanyń jaýapkershiligin bir adamdaı túsinýi tıis, – dedi Qalqaman Jaqyp.
Odan keıin oblystaǵy koreı qoǵamdyq birlestigi tóraǵasynyń orynbasary Ýlıana Kım forýmǵa jınalǵandardy aldymyzdaǵy saılaýǵa bir kisideı qatysýǵa shaqyrdy.
– Elimizdegi kezekten tys saılaý damýymyzǵa, ózimizdiń azamattyq ustanymymyzdy bildirýge serpin beredi. Nursultan Ábishuly aıtqandaı, elimizdiń aldynda sheshimin kútken kóptegen másele, tapsyrma bar. Solardyń barlyǵy da halyqtyń birligi bolmaı, durys sheshimin tappaıdy. Sondyqtan jastar, sizder saılaýǵa patrıottyqpen qatysyp, óz tańdaýlaryńyzdy jasaýlaryńyz kerek. Bizdiń barlyǵymyzdyń memleket, Otan aldyndaǵy adal paryzymyz osy, – dedi Ýlıana Kım. Sonymen qatar etnomádenı birlestikter jastar qanatynyń ókilderi, respýblıkalyq «Jańǵyrý joly» jastar qozǵalysynyń belsendileri, shyǵarmashylyq ujymdar elimizdegi saıası mańyzdy oqıǵanyń jaýapkershiligin túsinip, kezekten tys prezıdenttik saılaýǵa qatysatyndyqtaryn aıtty jáne ózgelerdi de osyǵan shaqyrdy. QOSTANAI