Sársenbi, 9 qańtar 2013 7:34
О́tken jyldyń 19 jeltoqsanynda Qudaıkól aýylynyń turǵyny Náskeı Havaıdyń otbasynda oqys oqıǵa oryn aldy. Sol túni aýyl shetinde turatyn azamattyń qorasyndaǵy 20 tonnadan artyq shóbi otqa orandy.Náskeı Havaı ótken jyly «Jumyspen qamtý – 2020» baǵdarlamasyna qatysyp nesıe aqshasyna 12 bas mal satyp alǵan bolatyn. Jeltoqsannyń 19-nan 20-na qaraǵan túni Náskeımen kórshi turatyn mektep dırektory ot jaǵatyn oryndy qaraý úshin úıinen shyǵyp, kochegarkaǵa bet alǵan. Osy kezde kórshisiniń qorasynan shyǵyp jatqan órtti kórip, dereý eldi kómekke shaqyrady. Aýyl turǵyndary aıaqtarynan tik turyp, órtti sóndirýge bar kúshterin saldy. О́kinishke qaraı, shóp túgeldeı órtenip ketti.
Sársenbi, 9 qańtar 2013 7:34
О́tken jyldyń 19 jeltoqsanynda Qudaıkól aýylynyń turǵyny Náskeı Havaıdyń otbasynda oqys oqıǵa oryn aldy. Sol túni aýyl shetinde turatyn azamattyń qorasyndaǵy 20 tonnadan artyq shóbi otqa orandy.Náskeı Havaı ótken jyly «Jumyspen qamtý – 2020» baǵdarlamasyna qatysyp nesıe aqshasyna 12 bas mal satyp alǵan bolatyn. Jeltoqsannyń 19-nan 20-na qaraǵan túni Náskeımen kórshi turatyn mektep dırektory ot jaǵatyn oryndy qaraý úshin úıinen shyǵyp, kochegarkaǵa bet alǵan. Osy kezde kórshisiniń qorasynan shyǵyp jatqan órtti kórip, dereý eldi kómekke shaqyrady. Aýyl turǵyndary aıaqtarynan tik turyp, órtti sóndirýge bar kúshterin saldy. О́kinishke qaraı, shóp túgeldeı órtenip ketti.
Esesine qora-qopsy aman saqtalyp qaldy. Kóp keshikpeı órt sóndirýshiler de kelip jetti. Áıtse de, Havaıdyń shóbi ne sebepti órtengeni áli kúnge deıin beımálim. Ol qaq-soqpen jumysy joq, birtoǵa azamat. Sondyqtan áldekimder onyń qorasyna qastyqpen ot qoıdy dep aıta almaımyn, – deıdi aýyl ákimi Aqan Seıiljanov.Aqan Maratulynyń aıtýynsha, aýyl halqy azamattyń basyna túsken qaıǵyǵa ortaqtasyp, ortadan jylý jınaǵan. 104 otbasy 3 myń teńgeden aqshalaı kómek bergen. Osy eldi mekendegi 3 sharýa qojalyǵy 6 tonna shóp jetkizip berdi. Aýyl ákimdigi kómek retinde Pavlodardaǵy arzandatylǵan jem-shóp dúkeninen 1 tonna mal azyǵyn satyp áperdi. Taǵy bir jeke kásipker habarlasyp, zardap shegýshige jem-shóppen kómektesetinin aıtypty.Qıyn-qystaý kezeńde qol ushyn berip, súıeý bolǵan Qudaıkól aýyldyq ákiminiń apparatyna, turǵyndarǵa degen rızalyǵym sheksiz. Maǵan jasaǵan jaqsylyqtary Alladan qaıtsyn! Shynymdy aıtsam, halyqtyń qamqorlyǵynyń arqasynda basyma túsken aýyrtpalyqty kóterip kettim. Elim aman bolsyn! – deıdi qazir Náskeı Havaı tildeskenimizde tolqı sóılep.Aýyl ákimi Aqan Maratuly da, zardap shegýshi Náskeı Havaı da maldy qystan aman alyp shyǵatyndyqtaryna senimdi. Laıym solaı bolǵaı!Darııa ERTAIQYZY.Ekibastuz.