Festıvalge oblysymyzdaǵy oqý oryndarynyń shyǵarmashylyq ujymdary qatysty. Bul is-shara oblys aýmaǵynda stýdentter úshin dástúrge aınalyp otyr.
Sonymen «Stýdenttik kóktem-2019» festıvali qalanyń Ortalyq alańynda bastaý aldy. Bul jerde 6 joǵarǵy oqý orny men 22 kolledj ózderiniń mamandyqtary jáne erekshe usynystaryn aıtyp, synǵa tústi. Mektep túlekteri de kelip, qandaı mamandyq alý týraly aqparattar aldy. Jalpy bul kúni bul jerge 6 myń mektep túlegi kelip qatysty jáne áleýmettik jeli arqyly onlaın daýys berýmen «Jastar tańdaýy» taqyrybynda úzdik joǵarǵy oqý orny anyqtalyp jatty.
- Shyǵys Qazaqstan oblysynda búgingi kúnde 265 myń jas bar, olardyń jas aralyǵy 14-29 aralyǵynda, dedi oblystyq Jastar resýrstyq Ortalyǵynyń dırektory Araılym Esimbekova. Qalalarda 166 myń jas tursa, aýyldyq jerde 99 myń jas bar, bul oblys turǵyndarynyń 9 paıyzy. Al jastardyń 25 paıyzy stýdentter. Ýnıversıtet pen kolledjderimizde 66 548 stýdent oqyp jatyr. Elbasynyń Bes áleýmettik bastamasynyń úshinshi baǵytyndaǵy tapsyrmalar boıynsha Semeıde josparlanǵan 11 jataqhananyń ekeýi paıdalanýǵa berildi. Qalǵan 9 jataqhanany da iske qosý úshin qujattary daıyndalyp jatyr. «Bilikti maman» jobasy boıynsha sońǵy eki jylda Shyǵys óńirde asa qajetti mamandyqtar úshin oblys ákimi Danıal Ahmetovtyń granttary da arnaıy bólinip jatyr. Bul kúnderi grant ıegerleri retinde 646 jas jańa ómirge joldama aldy.
Osyǵan oraı, sońǵy eki jylda ShQO-dan shetelge ketip oqıtyn túlekter sany úsh esege qysqaryp otyr eken. Eger 2016 jyly 1600 bala oblystan ketip, shetelge oqýǵa túsemin dep tapsyrsa, 2018 jyly 636 bala ǵana ketken.
Festıval aıasynda «Kásibı alań», «Jastar tańdaýy» sııaqty kóptegen tamasha shyǵarmashylyq kezeńder, bólimder jumys istedi.
Jastar jyly aıasyndaǵy VII oblystyq dástúrli «Stýdenttik kóktem-2019» festıvali Gala-konsertpen aıaqtaldy. Jıynǵa qala ákimi Ermak Sálimov te qatysyp, jastarǵa aq jol tiledi. Atalǵan baıqaýǵa oblys aýmaǵyndaǵy 20-ǵa jýyq oqý oryndardyń shyǵarmashylyq ujymdary qatysyp otyrdy. Úzdik óner kórsetip, jeńimpaz atanǵan oqý oryndary nomınasııalar boıynsha marapattalyp, baǵaly syılyqtarǵa ıe boldy.
«Úzdik kásibı alań» nomınasııasyna ShQO tehnıkalyq jáne kásiptik bilim ortalyǵynan, ıaǵnı kolledjder arasynan Kólik kolledji ıelense, bul nomınasııada ýnıversıtetter arasynda Shákárim atyndaǵy ýnıversıtet pen QazIGZÝ-diń baǵy jandy. Al «Úzdik shyǵarmashylyq baǵdarlama» nomınasııasynda kolledjder arasynda M. Áýezov atyndaǵy pedagogıkalyq kolledj atalsa, ýnıversıtetter arasynda S. Amanjolov atyndaǵy ShQMÝ ıelendi. «Jastar tańdaýyna» onlaın daýys berý arqyly D. Serikbaev atyndaǵy ShQMTÝ ıe boldy. Festıvalde kórermender kózaıymy da tańdaldy. «Stýdenttik kóktemniń Sultany-2019» bolyp Medısına ýnıversıtetiniń stýdenti Álıhan Qumarov atandy. «Stýdenttik kóktem arýy-2019» ataǵyn Qazaq ınnovasııalyq ýnıversıtetiniń stýdenti Aıda Mahmetjanova jeńip aldy. Oblystyq ishki saıasat basqarmasynyń basshysy Irına Smıt barlyǵyn jeńisterimen quttyqtap, dıplomdar men baǵaly syılyqtar,aqshalaı sertıfıkattar tabys etti.
Raýshan Nuǵmanbekova