Turǵyn úı muqtajdyǵyn óteıtin zań qabyldandy

Jylyna 6 myń páter tapsyrylady

Sonymen Elbasy tapsyrmalaryn júzege asyrý úshin qabyldanǵan «Qazaqstan Res­pýb­lıkasynyń keıbir zańna­malyq aktilerine turǵyn úı qaty­nastary máseleleri boıynsha ózgerister men tolyqtyrýlar engizý týraly» Zańy boıynsha «Turǵyn úı qatynastary týraly», «Memlekettik jastar saıasaty týraly», «QR Memlekettik nagradalar týraly» zańdaryna túzetýler engizilmek.

Atap aıtqanda, kóp balaly otbasy uǵymyn «Neke (erli-zaıyp­tylyq) jáne otbasy týraly» kodeksine sáıkes keltirý qarastyrylǵan.

Zań boıynsha baıandama ja­saǵan Májilis depýtaty Shav­hat О́temisov: «Satyp alý quqy­ǵynsyz jalǵa beriletin turǵyn­jaı» uǵymy engiziledi. Bul tabysy tómen halyqtyń áleýmettik osal toptaryna arnalǵan satyp alý quqyǵynsyz jalǵa be­riletin turǵyn úıdiń turaqty kommýnaldyq qoryn qurýǵa múmkindik beredi», – dedi.

«Altyn alqa», «Kúmis alqa» ıeleri nemese buryn «Batyr ana», sondaı-aq I jáne II dáre­jeli «Ana dańqy» ataǵyn alǵan kóp ba­laly analar men kóp bala­ly ot­basylar sanaty úshin tur­ǵyn úı alýǵa jeke kezektilik engi­zil­mek.

– Bul sanattaǵylarǵa tur­ǵyn úıdi birinshi kezekte alý quqy­ǵynyń berilgeni – osy zań jo­basynyń mańyzdy ózgeristeriniń biri bolyp sanalady. Osy sanatqa jatatyn úı alýǵa úmitkerlerdi turǵynjaı alǵanǵa deıin kezekten shyǵarýǵa bolmaıdy. Qazirgi ýaqytta kezekte turǵan kóp balaly otbasylardyń sany – 31 725. Kóp balaly otbasylardy jal­ǵa beriletin turǵyn úımen qamtamasyz etý maqsatynda «Nurly jer» baǵdarlamasy boıynsha jyl saıyn 50 mlrd teńge qarajat bólinetin bolady. Osynyń arqasynda jylyna keminde 6 myń páter tapsyrylady, – dedi Sh.О́temisov.

Sonymen qatar memlekettik josparlaý júıesiniń sheginde satyp alý quqyǵynsyz jalǵa beriletin turǵyn úıdi jáne onyń kólemin aıqyndaýǵa mańyz beriledi. Bul norma kóp balaly otbasylardyń turǵyn úı prob­lemalaryn sheshýge qarajatty tikeleı jáne maqsatty túrde bólýge negiz bolmaq. Bul arqyly jalǵa beriletin úıdiń kólemi ósedi degen úmit bar.

Oǵan qosa, memlekettik jas­tar saıasatynyń negizgi baǵyt­taryna jumys isteıtin jastar úshin qoljetimdi baspana júıe­sin damytýdy engizý, sondaı-aq memlekettik jastar saıasaty jó­nindegi ýákiletti organdy satyp alý quqyǵynsyz jalǵa beriletin turǵyn úıdi berý qaǵıdalaryn bekitý quzyretimen qamtamasyz etý máselesi qarastyrylǵan.

– Bul túzetýler Qazaqstannyń Tuńǵysh Prezıdenti – Elba­synyń tapsyrmasy boıynsha ju­mys isteıtin jastardy jal­ǵa beriletin turǵyn úımen qam­tamasyz etý úshin ázirlen­gen tetikti júzege asyrýǵa múm­kindik beredi. «Nurly jer» baǵ­dar­lamasynyń aıasynda 2019-2025 jyldary Nur-Sul­tan, Almaty jáne Shymkent qala­larynda jumys isteıtin jas­tar úshin jyl saıyn kemin­de 1 myń jalǵa beriletin tur­ǵyn úı salý josparlanýda. Árı­ne, jumys isteıtin jastar úshin bul jaqsy múmkindik. Osylaısha qaralyp otyrǵan zań jobasynyń qabyldanýy kóp balaly otbasylardyń jáne jumys isteıtin jastardyń bas­pana máselesin jedel sheshý úshin zańnamalyq negizdi qalyp­tastyrady, – dedi depýtat.

Turǵyn úı máselesi qashan túbegeıli sheshiledi?

Osy Zańǵa baılanysty Se­nat Tóraǵasy Darıǵa Nazar­baeva Indýstrııa jáne ınfra­qu­­­ry­lymdyq damý mınıstriniń birin­shi orynbasary Qaıyrbek О́s­ken­baevty suraqtyń astyna aldy.

D.Nazarbaeva aldymen tur­ǵyn úı máselesin sheshýde tek memleket qarajatyna ıek arta bermeı, basqa da sheshý joldary bar-joǵyn surady.

Mınıstrlik ókiliniń aıtýyna qaraǵanda, qazir elimizde 487 000 azamat páter kezeginde tur. Al árbir páterdiń sharshy metriniń baǵasyn 140 myń teńgeden eseptegende, oǵan ınjenerlik kommýnıkasııalar shyǵynyn qosa alǵanda, bul kezektiń suranysyn tolyq qamtamasyz etý úshin shamamen 6 trln teńgedeı qarajat kerek.

Osy oraıda Darıǵa Nazarbaeva qurylys sala­syna jap­paı serpilis ákeletin na­ryqtyq yntalandyrý tetik­terin tabý kerektigine basa nazar aýdardy. О́ıtkeni bıýdjettiń de múm­kindigi shekteýli. Onyń bir­den-bir joly – naryqtan ınves­tı­sııa tartý.

– Aımaqtarda Turǵyn úı qurylysy kombınattary bar. Biz­diń bilýimizshe, olardyń júk­temesi kóp emes. Tipti birqatary óz múmkindikteriniń úshten bir ne­mese jartysynyń kóleminde ǵana jumys istep tur. Sebebi tap­syrys joq. Osy oraıda, Úki­met tyǵyryqtan shyǵýdyń joldaryn qarastyryp jatyr ma? – dedi Senat Tóraǵasy.

Q.О́skenbaev halyqaralyq tájirıbelerdiń saralanyp jatqandyǵyn aıtty.

– Búginde turǵyn úı problemasy barlyq aımaqta birinshi kezekte tur. Alaıda, ókinishke qaraı, qurylys qarqyny qazirgi suranysty óteýge ilese almaı keledi. О́ńirlerde jer kezeginde turǵandardyń sany on myńdap sanalady. Jer telimin alǵandar eshkimge alaqan jaımaı-aq bas­panalaryn turǵyzyp jatyr. Al jergilikti atqarýshy oryndar ınfraqurylymdyq damýǵa qarjy jetkiliksizdigin aıtyp, bul kezekti úlkeıtip jiberdi. О́z kezeginde árbir salynǵan úı páter kezegindegilerdiń qataryn eki esege deıin azaıtar edi. Bul sondaı-aq jer, múlik salyqtary men kommýnaldyq qyzmet úshin tólenetin aqy esebinen jergilikti bıýdjetterdiń kiris bóligin arttyrady emes pe. Sondyqtan bul máselege basa nazar aýdarý qajet. Múmkin sheneýnikter turǵyn úı qurylysyna halyqtyq bıýdjetten qarajat alyp ıgerýge múddeli bolsa, bul – basqa másele. Jyl saıyn qalmaı kele jatqan bul máseleni túbegeıli birjaqty etip sheshý kerek, – degen Senat Tóraǵasy qabyldanǵan Zańnyń áleýmettik mańyzyn da atap ótti.

Jalpy otyrys barysynda Parlament Májilisi maqul­daǵan «Kaspıı teńizinde tosyn oqıǵalardy bolǵyzbaý týraly kelisimdi ratıfıkasııalaý týraly» jáne Parlament Máji­lisi maquldaǵan «2013 jylǵy 24 jeltoqsandaǵy Qazaq­stan Respýblıkasy men Re­seı Federasııasy arasyn­daǵy áskerı-tehnıkalyq yntymaq­tastyq týraly shart sheńberinde beriletin áskerı maqsattaǵy ónimniń bolýyn jáne nysanaly paıdalanylýyn baqylaýdy júzege asyrý tártibi týraly kelisimdi ratıfıkasııalaý týraly» zań jobalary qabyldanyp, dástúrli depýtattyq saýaldar jarııa etildi.