Jangeldın aýdanynyń polısııa bólimine osy aýdandaǵy Kólqamys aýylynan joǵalǵan 62 bas iri qara men 12 úıir, ıaǵnı 243 bas jylqynyń joǵalǵany jóninde sýyt habar kelip tústi. Maldy jedel izdestirýge oblystyq Polısııa departamentiniń jáne aýdandyq polısııa bóliminiń tájirıbeli qyzmetkerlerinen quralǵan arnaıy 5 top shyqty.
Polıseıler Kólqamys bólimshesiniń ońtústik-shyǵysyna qaraı 20 shaqyrym jerde joǵalǵan maldyń 11 úıirin, ıaǵnı 228 jylqy men 59 iri qarany tapty. Qazir mal ıesine tabys etildi.
Maldyń barlyǵy derlik erkin jaıylymda júrgende joǵalatynyn polısııa taǵy da eskertti. Sol úshin malǵa en salýdy, tańbalaýdy taǵy da ótinip, aýyl turǵyndaryn habardar etti. Eger malyn tańbalamasa, durys ustamasa, ákimshilik aıyppul salynatyn bolady. О́ıtkeni joǵalǵan maldy izdestirý úlken shyǵynǵa túsedi.