Oblys ákiminiń kýbogine jalpy sany 6 komanda talasatyn bolady. Aqtóbe óńirinen «Aqtóbe» FK men №8 Balalar jáne jasóspirimder sport mektebiniń komandasy namysty qorǵasa, Reseı elinen kelgen «Orenbýrg», «Nosta» komandalary Qyrǵyzstan eliniń «Frýnze» komandasy jáne О́zbekstan eliniń «Býnedkor» FK-nyń oıynshylary ózara baq synaıdy. «О́ńirimizde sportty damytýǵa jáne sporttyq ǵımarattardy arttyrýǵa erekshe kóńil bólinýde.
Sporttyń barlyq túrlerine qolaıly jaǵdaılar jasaý maqsatynda aldaǵy ýaqytta zamanaýı jeńil atletıka stadıony, boks ortalyǵy, shańǵy bazasy jáne basqa da sporttyq obektiler qoldanysqa beriledi.Búgingi týrnırge qalamyzdyń komandalarynan basqa Reseı Federasııasy, О́zbekstan, Qyrǵystannyń fýtbol komandalary qatysyp otyr.Búgingi týrnırdiń ashylýymen barlyqtaryńyzdy shyn júrekten quttyqtaımyn! Barlyq qatysýshylarǵa myqty densaýlyq, jańa sporttyq jetistikter tileımin»,dedi oblys ákimi Ońdasyn Orazalın.
Aıtyp óteıik, 4-shi ret ótkizilip jatqan týrnırdiń maqsaty jergilikti jetkinshekterge qoldaý kórsetý, joǵary sapaly, halyqaralyq básekege qabiletti tájirıbe almasý. №8 Balalar men jasóspirimder sport mektebiniń fýtbol alańynda ótip jatqan jarys mamyrdyń altysyna deıin jalǵasady.