Búgingi tańda ortalyqtandyrylǵan sý júıesine 400 eldi meken qosylǵan. 255 aýyl jergilikti sý kózderin paıdalanady. «Aýmaqtardy damytý» memlekettik baǵdarlamasy aıasynda sońǵy jyldary 36 mıllıard teńgege 2 myń shaqyrymdyq sý qubyrlary tartylyp, 56 eldi mekenge sapaly aýyz sý jetken.
«Bıyl Indýstrııa jáne ınfraqurylymdyq damý mınıstrligi arqyly jáne oblystyq bıýdjettten 2,7 mıllıard teńge bólinip, 3 joba Vlasovka, Vozvyshenka, Novoıshımka eldi mekenderinde júzege asyryldy. 2 joba sheńberinde Saýmalkól kenti men Petropavl qalasynda sýmen jabdyqtaý jumystary jalǵastyrylady. Tutastaı alǵanda, 32 aýyl turǵyndary tirshilik nárimen qamtamasyz etiledi», deıdi Energetıka jáne turǵyn úı-kommýnaldyq sharýashylyq basqarmasynyń basshysy Ádilbek Áýbákirov.
О́tkir máselelerdiń biri – sýmen jabdyqtaý nysandaryn paıdalaný. 175 nysannyń 92-i ǵana mamandandyrylǵan paıdalanýshy uıymdarǵa senimdi basqarýǵa berilgen. Sýmen jabdyqtaý nysandaryna ıeniń kóptiginen «qoıshy kóp bolsa, qoı aram ólediniń» kerin keltirip otyr.
«Qazshýshar «RMK -nyń oblystyq fılıaly «Esil sý» kásipornynyń dırektory Qanat Asqarovtyń aıtýynsha, sý komıteti ortalyqtan basqarýdy óz mindetine alýdy ótingenmen, Indýstrııa jáne ınfraqurylymdyq damý mınıstrligi tarapynan bul usynys qoldaý tappaǵanǵa uqsaıdy. Oblys mundaı qadamǵa daıyn kórinedi. Biraq respýblıkalyq vedomostvonyń qorytyndysy oǵan tejeý salyp otyrǵandyqtan, jeke-dara sheshim qabyldaýǵa qaýqarsyz.