Aǵymdaǵy jyldyń mamyr aıynda veterınarlyq jáne tamaq qaýipsizdigin qamtamasyz etý boıynsha qajetti birlesken sharalardy talqylaý maqsatynda qazaqstandyq veterınarııalyq qyzmet ókilderiniń Mońǵolııaǵa sapary josparlanýda. Bul týraly Aýyl sharýashylyǵy mınıstrliginiń baspasóz qyzmeti habarlady.
Qazaqstandyq mamandardyń sapary aıasynda janýarlardyń asa qaýipti jáne transshekaralyq aýrýlary boıynsha Mońǵolııadaǵy epızootııalyq jaǵdaıǵa monıtorıng júrgizý, veterınarııalyq zerthanalardyń jelisimen tanysý, jylqy aýrýlaryn dıagnostıkalaý boıynsha yntymaqtastyqty talqylaý josparlanýda.
Qazirgi ýaqytta qazaqstandyq veterınarııalyq qyzmet aýsyl, shoshqanyń afrıkalyq obasy, shoshqanyń klassıkalyq obasy, shoshqanyń respıratorlyq reprodýktıvti sındromynyń órshýin tirkeýge baılanysty qajetti termııalyq óńdeýden ótpegen tiri janýarlar men mal sharýashylyǵy ónimderin Mońǵolııadan Qazaqstanǵa ákelýge tyıym salynǵanyn esterińizge salamyz.