Megapolıstegi qyzǵaldaq merekesi

Qalalyqtardyń súıikti demalys aımaǵy – Arbatqa florıster daıyndaǵan shoqgúlder qoıylyp, fotokórme, balǵyn­dardyń qylqa­lamynan týyn­daǵan sýretter gale­reıasy uı­ym­­dastyryldy. Son­daı-aq shahardyń Uly Jibek jo­ly boıyndaǵy ejelgi qala eken­digin týrısterge nasıhattaý úshin Ar­bat jolymen saýdagerler men qol­óner­shilerdiń ejelgi kerýeni júrip ótti.

Aıtýly mádenı sharaǵa qala ákimi Ǵabıdolla Ábdi­rahymov qatysyp, megapolıs turǵyndary men qonaqtaryn quttyqtady. «Qyz­ǵaldaq fes­­tıvali qalamyzda halyq­aralyq deńgeıde tuń­ǵysh ret uıymdastyrylyp otyr. Qyz­ǵaldaqtyń mekeni – elimizdiń Ońtústigi eke­nin maqtanysh etemiz. Son­dyqtan osynaý ásem gúldi bren­­­dimizge aınaldyryp, álem qyz­ǵaldaq arqyly Shym­­qa­lany tanyp-bilse degen maqsatpen festıvaldi uıym­dastyrdyq», dedi sha­har basshysy.

Festıval aıasynda Ar­batta turǵyzylǵan She­ber­ler qalasynda órender eńbe­gimen el alqaýyn alǵan órt sóndirýshi, polısııa, dáriger­ler sekildi mamandyq ıele­ri­men júzdesip, atalǵan ká­sip­teriniń qyr-syryna qa­nyqty. 

Shymkentti gúlge ora­ǵan festıval keshke deıin jal­ǵasyp, florıster sheberlik sabaq ótkizdi. Merekelik dý­mannyń sońy estrada jul­­dyz­darynyń konserttik baǵ­darlamasyna ulasty.

Shymkent