Aıtýly dodaǵa elimizdiń túkpir-túkpirinen 50-ge jýyq jup qatysty. Jerlesterimiz Dýo Frıstaıl tobynda óner kórsetip, asa tartysty ótken saıysta top jardy.
«Byltyr Almaty qalasynda uıymdastyrylǵan halyqaralyq baıqaýda kúmis medal ıelengen bolatynbyz. Bul joly baǵymyz janyp, jarystyń eń bıik tuǵyryna kóterildik. Kúndelikti tabandy jattyǵýdyń arqasynda qarsylastarymyzdan oq boıy ozyp shyqtyq», deıdi «Arman» áleýmettik qyzmet kórsetý ortalyǵynyń tárbıelenýshisi Sandýǵash Moldaǵalıeva.
«Domınanta» sporttyq bal bıi stýdııasynyń jetekshisi Vladıslav Olenchýktyń aıtýynsha, baıqaýǵa deıin 1,5 aı boıy tynymsyz jattyǵý júrgizilip, mańdaı ter aqtalǵan. Oblys namysyn qorǵaǵan jup múmkindikteriniń shekteýligine qaramasta qajyrly eńbekteriniń arqasynda talaı bıik belesterdi baǵyndyryp keledi.
Endi maýsym aıynda Atyraý qalasynda ótetin dúbirli dodaǵa qatysady.
Soltústik Qazaqstan oblysy