Beısenbi, 30 mamyr 2013 2:29
Ońtústikte mynandaı bir ázil sóz bar. «Shymkentte zańdy buzýǵa bolmaıdy, tek aınalyp ótýge bolady». Sol zańdy aınalyp ótýdiń «ozyq úlgisin» sońǵy jyldary polısııa kórsetip júrgen sııaqty. Sonyń biri retinde polısııanyń Ońtústik Qazaqstan oblysynda júıke aýrýlary dıspanserinde tirkeýde turatyn 19 adamǵa qarý alyp júrýge ruqsat berip jibergenin aıtýǵa bolady.
Beısenbi, 30 mamyr 2013 2:29
Ońtústikte mynandaı bir ázil sóz bar. «Shymkentte zańdy buzýǵa bolmaıdy, tek aınalyp ótýge bolady». Sol zańdy aınalyp ótýdiń «ozyq úlgisin» sońǵy jyldary polısııa kórsetip júrgen sııaqty. Sonyń biri retinde polısııanyń Ońtústik Qazaqstan oblysynda júıke aýrýlary dıspanserinde tirkeýde turatyn 19 adamǵa qarý alyp júrýge ruqsat berip jibergenin aıtýǵa bolady.
Osy jaǵdaı týraly quqyq qorǵaý jáne qylmyspen kúres, zańdylyqpen qamtamasyz etý jónindegi úılestirý keńesiniń jınalysynda elimizdiń Bas Prokýrory Ashat Daýylbaev aıtty. «Bul degen polısııanyń óz qyzmetine salǵyrt qaraýy emes pe? Buǵan qalaı jol berilgen? Nege baqylaý joq?» dedi Bas Prokýror. Áıteýir QR IIM ákimshiliktik polısııa komıtetiniń tóraǵasy Igor Lepeh atalmysh másele jóninde qyzmettik tekserý júrgizilgenin, osy fakt boıynsha kináli qyzmetkerler jazaǵa tartylyp, jumystarynan bosatylǵanyn aıtyp qutyldy.Meıli, kináliler jazalandy. Biraq, júıke aýrýlary dıspanserinde tirkeýde turǵan adamdarǵa ruqsat qaǵaz jaıdan-jaı berilgen joq qoı. Ol tirliktiń astarynda kóz qysty, barmaq bastynyń jatqany anyq. Sondyqtan jazyqtylar qyzmetinen ketti degen sóz endi mundaı oqıǵa qaıtalanbaıdy degen sóz emes. Bas prokýror aıtqandaı bul salaǵa qatań baqylaý kerek.Oralhan DÁÝIT,«Egemen Qazaqstan».Ońtústik Qazaqstan oblysy.