Jyl saıynǵy qalyptasqan dástúr boıynsha 8 mamyrda Ortalyq qalalyq zırat aýmaǵynda Uly Otan soǵysy jyldarynda alǵan jaraqattarynan qaıtys bolǵan jaýyngerlerdiń qabirine Dańq gúli tizbegin qoıý rásimi ótedi dep habarlaıdy elorda ákimdiginiń resmı saıty.
8 mamyrda saǵat 10:00-de ótetin saltanatty sharaǵa Uly Otan soǵysynyń ardagerleri, tyl eńbekkerleri, qaza tapqandardyń týystary, qala ákimdigi, qoǵamdyq jáne jastar uıymdarynyń ókilderi qatysady.
Qazirgi ýaqytta qalamyzda Uly Otan soǵysynyń 71 ardageri, 4 myńǵa jýyq tyl eńbekkeri turady. Uly Otan soǵysynyń barlyq ardagerleri shıpajaılyq-kýrorttyq emdeýmen, kommýnaldyq-turmystyq qyzmetterdi tóleýge aı saıynǵy aqshalaı ótemaqymen, monsha men shashtarazdarǵa barý úshin áleýmettik kómekpen, sondaı-aq, mádenı is-sharalarmen qamtamasyz etiledi.
Bıyl Nur-Sultan qalalyq máslıhatynyń sheshimi boıynsha Uly Otan soǵysynyń barlyq ardagerine 67 AEK (169 175 teńge) kóleminde birjolǵy aqshalaı tólem, sondaı-aq, qosymsha 350 000 teńge beriledi.