Qyzylorda oblysyna jumys saparymen kelgen Parlament Májilisiniń depýtattary Baqytbek Smaǵul, Sapar Ahmetov jáne Nurjan Áltaev Aral aýdanynda Qosjar eldi mekenindegi «Qamystybas» balyq pıtomnıginiń jumysymen tanysty.
Tuqymbaǵy Aral teńizin balyqtandyrý, balyq qoryn saqtaý jáne tuqymyn kóbeıtý maqsatynda jumys jasap keledi. Qazirgi tańda balyqtyń sazan, aq amýr jáne dóńmańdaı túrleri ósirilip jatyr.
Aýdan ákimi Muhtar Orazbaev meımandarǵa balyq sharýashylyǵyn damytý baǵytyndaǵy júrgizilip jatqan jumystary jaıynda aıtty.
Halyq qalaýlylary «Bógen servıstik daıyndaý ortalyǵy» men «AR-N-KOM», «Qýanysh» balyq qabyldaý, óńdeý jáne qatyrý sehtarynda bolyp, balyqty arshý, óńdeý jáne arnaıy sý toǵandaryndaǵy jumystardy kórdi.
Jumys sapary barysynda olar «SARATS» jobasynyń birinshi kezeńinde sátti júzege asqan «Aq laq» sý tospasy men «Kókaral» bógetinde boldy.